بوستاندىق اۋدانى مۇگەدەكتەر قوعامى باسقارماسىنىڭ ءتوراعاسى ۇلان اسكەربەك ۇلى الماتىلىقتاردى كارانتين رەجيمى اياقتالعاننان كەيىن دە سانيتارلىق تالاپتاردى قاتاڭ ساقتاۋعا شاقىردى.

– جاھاندى جاۋلاعان ءقاۋىپتى ىندەت قازاقستانعا دا كەرى اسەرىن تيگىزدى. وكىنىشكە قاراي ەلىمىزدە كوروناۆيرۋستان قايتىس بولعان ادامدار دا كوپ بولدى. كەيىننەن ۇكىمەت ەلدە كارانتين رەجيمىن قاتاڭ ەنگىزىپ، ىندەتتىڭ الدىن الۋ شارالارىن دەر كەزىندە قولعا الدى. ەنگىزىلگەن كارانتيننىڭ پايداسى زور بولدى. بۇدان الدىن كۇنىنە 1600-1700-گە جۋىق ناۋقاس ۆيرۋس جۇقتىرعان بللسا، ءقازىر ول كورسەتكىشتەن تومەندەدى، – دەدى ۇلان اسكەربەك ۇلى.

ول كارانتين رەجيمى اياقتالسا دا ارنايى سانيتارلىق تالاپتاردى ساقتاۋدى ۇمىتپاۋ قاجەتتىگىن اتاپ ءوتتى.

– كارانتين كەزىندە كوپتەگەن بيزنەس ورتالىقتاردىڭ جۇمىسى توقتاتىلدى. ارينە ولارعا ۇكىمەت تاراپىنان 42 500 تەڭگەلىك الەۋمەتتىك تولەم تاعايىندالدى. ەندى 17ء-شى تامىزدان باستاپ ەلدە كارانتين رەجيمى جەڭىلدەتىلىپ، كاسىپكەرلەر قايتادان جۇمىسىن باستايدى. وسى ۋاقىتتا بارلىق ادامدار سانيتارلىق تالاپتاردى قاتاڭ ساقتاپ، انتيسەپتيك، ماسكا تاعىپ اراقاشىقتىق ساقتاۋدى ۇمىتپاسا دەگىم كەلەدى. الماتىلىقتار بۇل ءقاۋىپتى اۋرۋدىڭ تاراۋىنا جول بەرمەي، قانشالىقتى ءقاۋىپتى ەكەنىن تۇسىنسە دەيمىن، – دەپ ءسوزىن تۇيىندەدى ول.