الەمدى جايلاعان ىندەت وڭىردە ورشىمەۋ ءۇشىن ءاربىر ازاماتى قولدان كەلگەنشە كومەگىن اياماۋدا.  ىزگىلىكتىڭ جارقىن كورىنىسىن كورسەتىپ جۇرگەن جانداردىڭ بۇل ءىسى ەرلىكپەن پارا-پار.

ىندەت باستالعالى تۇرعىندار اۋىرماسىن دەپ پانفيلوۆ اۋدانىنىڭ ەرىكتىلەرى 500-دەن استام ماسكا تاراتقان. سونىمەن قاتار، اۋداننىڭ 407 وتباسىنا كومەك قولىن سوزىپ، ازىق-تۇلىكپەن قامتاماسىز ەتكەن جانە ءۇي ىشىندەگى جۇمىستارىنا جاردەمدەسكەن. ال رايىمبەك اۋدانىنىڭ ەرىكتىلەرى 500 دەي وتباسىعا كومەك كورسەتكەن. «ارداگەرلەردى ارداقتايىق» اتتى اكسيا بويىنشا 70 شارا وتكىزگەن. 10 000 ماسكا تاراتقان.

بالقاش اۋدانىنىڭ ەرىكتىلەر توبى «مەيىرىمدى جەتىسۋ» اتتى اكسياسى اياسىندا جالپى سومماسى 7،5 ميلليون تەڭگە بولاتىن 700-گە جۋىق از قامتىلعان، كوپ بالالى وتباسىلار مەن جالعىزباستى قارتتاردى ازىق-تۇلىكپەن قامتاماسىز ەتتى. 13000 دانا بەتپەردە حالىقتىڭ پايدالاۋىنا تەگىن تاراتىلدى. توتەنشە جاعدايعا بايلانىستى ەرىكتىلەر ءوز قولدارىمەن بەتپەردە تىگىپ، كوپكە ۇلگى بولار يگى ىستەر اتقاردى. سونىمەن قاتار، سىرتقا شىعىپ ازىق-تۇلىك پەن دارى-دارمەك الا الاماعان جاعدايدا تاپسىرىس بەرىپ، كومەك كورسەتەتىن «بالقاش اۋدانىنىڭ جاستار رەسۋرستىق ورتالىعى» جانىنان ەرىكتىلەر فرونت-كەڭسەسى ءوز قىزمەتىن جۇيەلى تۇردە كورسەتۋدە.

ەرىكتىلەر مۇنىمەن توقتاپ قالمايدى. ولار الداعى ۋاقىتتا ازىق-تۇلىك پەن دارى-دارمەكتەردى جەتكىزۋ، مەديسينالىق كومەك كورسەتۋ، ماسكا تىگۋ سياقتى  جۇمىستاردى تۇراقتى جۇرگىزەدى.