بيىل وسى اۋماقتى ورتتەن قورعاۋ ماقساتىندا ءتيىستى شارالار جاسالدى. بۇل تۋرالى شقو اقپاراتتىق ورتالىعىندا وتكەن بريفينگ بارىسىندا ورمان مەن اتەق ءبولىمى باسشىسى ەردوس ءۇمىتوۆ ءمالىم ەتتى.
- بيىل ءورت ماۋسىمى باستالعالى بەرى شىعىس قازاقستانداعى مەملەكەتتىك ورمان قورىنىڭ اۋماعىندا 192 ورمان ءورتى تىركەلدى. قىزىل جالىننىڭ جالپى اۋماعى 4،560،74 گەكتاردى قۇرايدى، - دەدى ەردوس ءۇمىتوۆ.
بريفينگ بارىسىندا شقو تجد باسشىسىنىڭ م.ا. دميتريي تيتوۆ شىعىس قازاقستانداعى ءورت ءقاۋپى كەزەڭى ءالى اياقتالماعانىن اتاپ ءوتتى. وكىنىشكە قاراي، ورمان ورتتەرى 41 پايىزعا ارتتى. اتالعان كورسەتكىش وتكەن جىلمەن سالىستىرعاندا 52 ەسەگە كوپ.
ەستەرىڭىزگە سالا كەتەيىك، اعىمداعى جىلدىڭ ءساۋىر ايىندا "سەمەي ورمانى" مەملەكەتتىك تابيعي ورمان رەزەرۆاتىنىڭ بەسقاراعاي اۋدانىنداعى دولون فيليالى اۋماعىندا قىزىل جالىن تىركەلگەن ەدى. ءورت سالدارىنان 3500 گەكتارعا جۋىق ورمان القابى ورتەندى.
ءورت تۇتانۋىنىڭ 90% نايزاعايدان بولسا، قالعان 10% ادامداردىڭ وتقا بەيجاي قاراۋىنان تۋىنداپ وتىر. شىعىس قازاقستانداعى مەملەكەتتىك ورمان قورىنىڭ اۋماعى 3،8 ميلليون گەكتاردى قۇرايدى. بيىل وسى اۋماقتى قورعاۋ ماقساتىندا ءتيىستى شارالار جاسالدى. بۇل تۋرالى شقو اقپاراتتىق ورتالىعىندا وتكەن بريفينگ بارىسىندا ورمان مەن اتەق ءبولىمى باسشىسى ەردوس ءۇمىتوۆ ءمالىم ەتتى.
ورماندى قورعاۋ ماقساتىندا وبلىستا 70 ءموبيلدى توپ قۇرىلدى. ونىڭ قۇرامىندا ازاماتتىق قورعانىس، جەرگىلىكتى پوليسيا قىزمەتى، ورمان مەكەمەلەرى مەن اۋداندىق اكىمدىك وكىلدەرى بار.
— 382-دەن استام پروفيلاكتيكالىق رەيد جۇرگىزىلىپ، 127 زاڭبۇزۋشىلىق انىقتالدى. ءتارتىپ بۇزعان ازاماتتار اكىمشىلىك جاۋاپكەرشىلىككە تارتىلدى، - دەدى ول .
ەستەرىڭىزگە سالا كەتەيىك، شقو اۋماعىندا ءورت ءقاۋپى كەزەڭى 1 قاراشاعا دەيىن جالعاسادى. ەگەر ءسىز ءورت ءقاۋپىن بايقاعان بولساڭىز، 101 بايلانىس نومىرىنە قوڭىراۋ شالىڭىز.
پىكىر قالدىرۋ