بەلگىلى سازگەر، ءانشى مارات وماروۆ پاندەميادان سوڭ اقش-تا وتەتىن قايىرىمدىلىق كونسەرتىنە شاقىرىلدى. بۇل تۋرالى سازگەر الەۋمەتتىك جەلىدە حابارلادى.
ونىڭ ايتۋىنشا، ءىس-شارا اقش پرەزيدەنتى دونالد ترامپتىڭ باستاماسىمەن ۇيىمداستىرىلىپ جاتىر.
«دۇنيەجۇزىلىك كومپوزيتورلار قاۋىمداستىعىنىڭ مۇشەسى رەتىندە مەنى اقش-تا قايىرىمدىلىق كونسەرتى بولاتىنىنان حاباردار ەتتى. سونداي-اق مەن "كوروناۆيرۋس، كەت، كەت!" انىمەن قوناقتار تىزىمىندە بار ەكەنمىن. ولار قوڭىراۋ شالىپ، ءاندى ۇناتاتىنىن ايتتى. ءاندى اعىلشىن تىلىنە اۋدارىپ تا قويدىم" دەلىنگەن جازباسىندا.
ەسكە سالساق، وتاندىق سازگەردىڭ "كوروناۆيرۋس، كەت، كەت!" ءانى پاندەميا باستالعان تۇستا جازىلىپ، ەل اراسىندا كەڭىنەن تانىلعان.
پىكىر قالدىرۋ