كيم چەن ىن 1500 ارنايى جاساقتى سولتۇستىك كورەيانىڭ قىتايمەن شەكاراسىنا ورنالاستىرىپ جاتىر. "ازات ازيا" اقپاراتىنا سايكەس، ولار ادامداردىڭ شەكارادان زاڭسىز وتۋىنە جول بەرمەۋ ءۇشىن جىبەرىلۋدە.
"سولتۇستىك كورەيا كوروناۆيرۋستىق پاندەميا كەزىندە زاڭسىز وتۋگە جول بەرمەۋ ءۇشىن ريانگانگ پروۆينسياسىنا ارنايى اسكەرلەردىڭ جۇزدەگەن ساربازدارى مەن كۇزەتتەرىن ورنالاستىرۋدا" دەپ جازادى ۆاشينگتوندا ورنالاسقان باسىلىم. جاۋىنگەرلەر سونىمەن قاتار كونترابانعا قارسى جۇمىستى كۇشەيتىپ، شەكاراشىلاردى باقىلاپ وتىرادى.
ال، ريانگانگ پروۆينسياسىنداعى اسكەري دەرەككوز "5 تامىزدان باستاپ ءبىز ريانگان پروۆينسياسىنداعى سولتۇستىك كورەيا-قىتاي شەكارالاس ايماعىندا شەكارا قاۋىپسىزدىگىن ءتورت ەسە ارتتىردىق" دەپ حابارلاعان.
پىكىر قالدىرۋ