كوروناۆيرۋس جۇقتىرعان 379 ادامنىڭ جاعدايى اۋىر. بۇل تۋرالى دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ حابارلادى.

ونىڭ ايتۋىنشا، ەلدە 13 ناۋرىزدان باستاپ 104 718 ادام كوروناۆيرۋس ىندەتىمەن تىركەلگەن. ونىڭ 92 598ء-ى ەمدەلدى. 10 597 ادام ەم الىپ جاتىر. ەم الىپ جاتقانداردىڭ 52ء-سى بالا. 

– كوروناۆيرۋس جۇقتىرعان 379 ادامنىڭ جاعدايى اۋىر. 309 ادام اسا اۋىر دارەجەدە اۋىرىپ جاتىر. 70 ادامنىڭ جاعدايى وتە قاتتى اۋىر دارەجەدە. 50 ادام وكپەنى جاساندى جەلدەتۋ اپپاراتىنا قوسىلعان، – دەدى ول ورتالىق كوممۋنيكاسيالار قىزمەتىندەگى ونلاين بريفينگتە.

"سوڭعى تاۋلىكتە كۆي جۇقتىرۋدىڭ 175 جاڭا جاعدايى تىركەلگەن. 13 ادام ينفەكسيانى جەڭە المادى. 22 تامىزدا تەرىس پتر تەستىمەن 24 744 ادام تىركەلدى" دەلىنگەن بريفينگتە.