دەنساۋلىق ساقتاۋ ءمينيسترى الەكسەي سوي كوروناۆيرۋسقا قارسى ۆاكسينانى ەكتىرۋگە دايىن. بۇل تۋرالى دسم رەسمي وكىلى باعدات قوجاحمەتوۆ ورتالىق كوممۋنيكاسيالار قىزمەتىندە وتكەن بريفينگتە ايتتى.
– ۆاكسينانىڭ دايىن بولۋى ءۇشىن ءتيىستى مەرزىمدى كۇتۋ كەرەك، جارتى جىلدان كەم ەمەس. ۆاكسينا بارلىق حالىقارالىق سەرتيفيكاتتاۋدان وتكەننەن كەيىن، مينيستر ەكپەنى قابىلداۋعا دايىن ەكەنىن ايتتى. ول دەنساۋلىق ساقتاۋ جۇيەسىنىڭ قىزمەتكەرى بولعاندىقتان، ەكپەنى اقىسىز تۇردە الادى. دەنساۋلىق ساقتاۋ جۇيەسىنىڭ قىزمەتكەرلەرى 200 مىڭنان استام، ولار تاۋەكەل توبىنا ەنىپ وتىر، – دەدى باعدات قوجاحمەتوۆ.
سونداي-اق ول ءمينيستردىڭ جانە كەز كەلگەن مەديسينا قىزمەتكەرىنىڭ وتباسى مۇشەلەرى ۆاكسينانى ءوزىنىڭ قاراجاتىنا ساتىپ الاتىنىن اتاپ ءوتتى.
پىكىر قالدىرۋ