جاڭا وقۋ جىلى الدىندا مۇعالىمدەر كوروناۆيرۋستى انىقتايتىن تەست تاپسىرمايدى. بۇل تۋرالى دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ ايتتى.
– مۇعالىمدەردىڭ اراسىندا جاپپاي تەگىن كوروناۆيرۋستى انىقتايتىن تەستىلەۋدى تاپسىرۋدىڭ قاجەتى جوق. سەبەبى، مۇعالىمدەر بەلسەندى، سالاۋاتتى ءومىر سالتىن ۇستانادى. كۇن سايىن ولار كوپتەگەن ادامدارمەن كەزدەسەتىندىكتەن، پتر-تەستىلەۋ سىناقتارىن وتكىزۋ ءمانىسىن جوعالتادى، – دەدى قوجاحمەتوۆ.
مۇعالىمدەردە ءقاۋىپتى اۋرۋدىڭ العاشقى بەلگىلەرىنىڭ بار-جوعىن مەكتەپ مەيىربيكەلەرى انىقتايدى. ولار مەكەمەگە كىرمەس بۇرىن، الدىمەن دەنە قىزۋىن ولشەپ، ماسكامەن كىرگىزىلەدى.
سونداي-اق، مەكتەپ وقۋشىلارى دا عيماراتقا مەديسينالىق بەتپەردە تاعىپ، ارا قاشىقتىقتى ساقتايدى. كوروناۆيرۋس جۇقتىرۋدان ساقتايتىن قورعانىش قۇرالدارىن ۇستازدار مەن اتا-انالار ءوزى ساتىپ الادى.
پىكىر قالدىرۋ