مەملەكەت باسشىسى قاسىم-جومارت توقايەۆ گرۋزيا پرەزيدەنتى سالومە زۋرابيشۆيليگە كوڭىل ايتۋ جەدەلحاتىن جولدادى، دەپ حابارلادى اقوردا.
"پرەزيدەنت قاسىم-جومارت توقايەۆ گرۋزيانىڭ شاتيلي تاۋلى مەكەنى ماڭايىندا ورىن العان جول-كولىك اپاتى سالدارىنان كوپتەگەن ادامداردىڭ قازا بولىپ، زارداپ شەككەنى تۋرالى سۋىت حاباردى تەرەڭ كۇيزەلىسپەن قابىلداپ، كوڭىل ايتۋ جەدەلحاتىن جولدادى.
وسىنداي اۋىر ساتتە ورنى تولماس قايعىعا ورتاقتاسىپ، بارشا قازاقستاندىقتاردىڭ جانە جەكە ءوز اتىمنان دوستاس گرۋزيا حالقىنا، جاقىندارىنان ايرىلعان وتباسىلارعا كوڭىل ايتامىن. قاسىرەتتى وقيعادا زارداپ شەككەندەردىڭ تەز ارادا ساۋىعۋىنا تىلەكتەسپىن" دەلىنگەن جەدەلحاتتا.
ايتا كەتەيىك، 23 تامىز كۇنى شاتيلي جولىنداعى تاۋلى ايماقتا ميكرواۆتوبۋس شامامەن 80 مەتر بيىكتىكتەن قۇلاپ، سالدارىنان 17 ادام كوز جۇمعان بولاتىن.
