شىعىس قازاقستاننىڭ دارىندى بالالارى الەمدى بىلىمدەرىمەن مويىنداتقانى جونىندە ايماق باسشىسى دانيال احمەتوۆتىڭ قاتىسۋىمەن وتكەن تامىز كونفەرەنسياسى بارىسىندا ايتىلدى.
ءبىلىم باسقارماسىنىڭ باسشىسى سايرانگۇل ءجۇمادىلوۆانىڭ ايتۋىنشا، وبلىس وقۋشىلارىنىڭ كومانداسى شىعىس قازاقستاننىڭ اتىن حالىقارالىق جانە رەسپۋبليكالىق وليمپيادالاردا ابىرويمەن قورعاپ ءجۇر. 2019-2020 وقۋ جىلىندا ينتەللەكتۋالدىق سايىستارعا قاتىسۋشىلار 106 مەدالدى يەلەنگەن. ونىڭ ىشىندە 36 التىن، 31 كۇمىس، 39 قولا مەدال بار. سونىڭ 35ء-ى حالىقارالىق سايىستاردىڭ ەنشىسىندەگى مەدال. ەۋروپاداعى حالىقارالىق وليمپياداعا قاتىسىپ، فيزيكا ءپانى بويىنشا باعىن سىناپ، قازاقستاننىڭ نامىسىن قورعاعان سەمەيدەگى وبلىستىق مامانداندىرىلعان ءبىلىم-يننوۆاسيا ليسەيىنىڭ 11 سىنىپ وقۋشىسى راسۋل ماعاۋين التىن مەدالدى يەلەندى. ول كوپتەگەن حالىقارالىق وليمپيادالاردىڭ جۇلدەگەرى ەكەنىن ايتا كەتكەن ورىندى.
سونداي-اق مەكتەپتەر حالىقارالىق جوبالار مەن بايقاۋلارعا قاتىسادى. بۇۇ مەن ەكولوگيا، گەولوگيا جانە تابيعي رەسۋرستار مينيسترلىگىنىڭ مۇرىندىق بولۋىمەن ۇيىمداستىرىلعان
«مەنىڭ ەكو-مەكتەبىم» اتتى رەسپۋبليكالىق بايقاۋعا قاتىسقان سەمەيدەگى №3 مەكتەپ-كەشەنى رەيتينگ بويىنشا جوعارى بالل جيناپ، قر-داعى جاپونيا ەلشىلىگىنىڭ 23 ملن تەڭگە كولەمىندەگى حالىقارالىق قايتارىمسىز گرانتىن ۇتىپ الدى. بۇگىنگى كۇنى №3 ورتا مەكتەپ وڭىردەگى قاناتقاقتى الاڭعا اينالدى.
