ورتالىق سايلاۋ كوميسسياسىنىڭ ءتوراعاسى بەرىك يماشيەۆ 12 تامىزدا سايلانعان پارلامەنت سەناتورلارىنا دەپۋتات كۋالىگىن تابىس ەتتى. بۇل تۋرالى ورتالىق سايلاۋ كوميسسياسىنىڭ ءباسپاسوزى حابارلادى.
ورتالىق سايلاۋ كوميسسياسى 12 تامىزدا سايلانعان 14 وبلىس پەن ءۇش قالانىڭ سەناتورلارىنا دەپۋتات كۋالىگىن تابىس ەتىپ، جاڭا دەپۋتاتتاردى رەسمي تۇردە تىركەدى.
وتىرىستى اشقان كوميسسيا ءتوراعاسى بەرىك يماشيەۆ پارلامەنت سەناتىنىڭ دەپۋتاتتارىن سايلاۋ جونىندەگى ناۋقاننىڭ سوڭعى وتىرىسى كونستيتۋسيانىڭ 25 جىلدىعى – تاۋەلسىز قازاقستاننىڭ نەگىزگى زاڭى قارساڭىندا ءوتىپ جاتقانىن اتاپ ءوتتى.
كوميسسيا ءتوراعاسى سەناتتىڭ جاڭا دەپۋتاتتارىن قۇتتىقتادى.
– بۇل ناۋقان تاريحتا قالادى. پاندەميا جاعدايىندا وتكىزدىك. كەلەسى ناۋقان ولاي بولمايدى دەپ ۇمىتتەنەمىز، – دەدى ول.
پىكىر قالدىرۋ