ق ر مەملەكەتتىك حاتشىسى قىرىمبەك كوشەربايەۆ باستاپ كەلگەن ابايدىڭ 175 جىلدىق مەرەيتويىن دايىنداۋ جانە وتكىزۋ جونىندەگى مەملەكەتتىك كوميسسيا مۇشەلەرى سىرت-قاسقابۇلاق پەن اقشوقى، جيدەبايداعى نىسانداردى ارالادى.
1845 جىلى سىرت-قاسقابۇلاقتىڭ توڭىرەگىندە ۇلى قازاق اقىنى، اعارتۋشى اباي قۇنانبايەۆ دۇنيەگە كەلگەن. اقىننىڭ كىندىك قانى تامعان جەردە ەسكەرتكىش تۇرعىزىلدى. 2005 جىلى تاستان تۇرعىزىلعان بەلگىدە: «بۇل جەردە اعا سۇلتان قۇنانباي اۋىلىندا 1845 جىلى قازاقتىڭ دانىشپان اقىنى اباي (يبراھيم) دۇنيەگە كەلگەن» دەپ جازىلعان. وتكەن جىلى سىرت-قاسقابۇلاقتىڭ جولىنا اعىمداعى جوندەۋ جۇمىستارى جۇرگىزىلدى. قاسيەتتى بۇلاق ماڭى اباتتاندىرىلىپ، ساياباق جوندەلدى. ويتكەنى بۇل وسى وڭىرگە كەلگەن قوناقتار ءۇشىن «اباي جولى».
ق ر مەملەكەتتىك حاتشىسى قىرىمبەك كوشەربايەۆ باستاپ كەلگەن دەلەگاسيا مۇشەلەرى اۋماقتىڭ اباتتاندىرىلۋى تاريحي ورىنعا ەرەكشە كورىك بەرىپ تۇرعانىن اتاپ ءوتتى.
ابايدىڭ اكەسى جەرلەنگەن اقشوقىدا قۇنانباي وسكەنبايۇلىنا ارنالعان مۋزەي سالىندى. ايتا كەتەيىك، مۇندا كورمە زالىنان بولەك، وقۋشىلارعا ارنالعان ساباقتار مەن كونفەرەنسيالار وتكىزۋگە بولاتىن زال قاراستىرىلعان. قۇنانباي اۋلەتىنىڭ زيراتى جوندەلىپ، اباتتاندىرىلدى.
مەملەكەتتىك كوميسسيا مۇشەلەرى مۋزەيدەن كەيىن قاراۋىلعا بەت بۇردى. مۇندا ابايدىڭ 175 جىلدىعىنا وراي 300 ورىندىق مەكتەپ سالىندى. وقۋ ورداسى نازاربايەۆ ينتەللەكتۋالدىق مەكتەبىنىڭ ستاندارتى بويىنشا بارلىق زاماناۋي تالاپتارعا سايكەس جابدىقتالعان.
ق ر مەملەكەتتىك حاتشىسى، ابايدىڭ 175 جىلدىق مەرەيتويىن دايىنداۋ جانە وتكىزۋ جونىندەگى كوميسسيانىڭ ءتوراعاسى قىرىمبەك كوشەربايەۆ قالاداعى مەكتەپتەن كەم تۇسپەيتىن ءبىلىم وشاعىن اۋىلدا اشقان ايماق باسشىسى دانيال احمەتوۆكە العىسىن ءبىلدىردى.
– بۇل مەكتەپتە مەندە قۋانا-قۋانا ءبىلىم الاتىن ەدىم. مۇنداي وقۋ وردالارى باسەكەگە قابىلەتتى جانە كوپ ءتىلدى مەڭگەرگەن بالالاردى دايىنداپ شىعارادى. مەكتەپتە مۋلتيمەديالىق كلاسستار مەن جۋرناليستەرگە ارنالعان سىنىپتار بار. ءتىپتى استانالىق مەكتەپتەر بۇلاي ماقتانا المايدى. ابايدىڭ وتانىندا وسىنداي مەكتەپتىڭ اشىلعانى قۋانتادى، - دەدى قىرىمبەك كوشەربايەۆ.
بۇدان سوڭ دەلەگاسيا مۇشەلەرى جيدەبايداعى قۇنانباي اۋلەتىنىڭ كەزىندەگى ۇيىنە باردى. بۇل اۋماقتا ءقازىر اباي اتىنداعى ادەبي-مەموريالدىق مۋزەي ورنالاسقان.
اباي ءومىرىنىڭ سوڭعى 10 جىلى جيدەبايدا وتكەن. مۇندا اقىن 76 ليريكالىق ولەڭ مەن قاراسوزدەرىن جازدى. وسى اۋماقتا اباي ۇي-مۋزەيى، زەرە مەن ۇلجاننىڭ، سونداي-اق كەنگىرباي ءبيدىڭ كەسەنەسى، ابايدىڭ اعاسى قۇدايبەردى مەن ابايدىڭ ايەلى ەركەجاننىڭ زيراتى ورنالاسقان. بۇدان بولەك وسپانكول بار. سونىمەن قاتار شاۋكەنباي مەن عابيتحاننىڭ دا زيراتى وسى ماڭدا.
جيدەبايداعى ۇي-مۋزەيدە اقىن ومىرىنەن سىر شەرتەتىن جادىگەرلەردى تاماشالاۋعا بولادى. دەلەگاسيا مۇشەلەرى «اباي-شاكارىم» مەموريالدىق كەشەنىنىڭ ساۋلەتتىك قۇرىلىسىنا وڭ باعالارىن بەردى.
– مادەنيەت جانە سپورت مينيسترلىگى مەن شىعىس قازاقستان وبلىسىنىڭ اكىمدىگىنە العىسىمدى بىلدىرگىم كەلەدى. مۇندا اتقارىلعان جۇمىس بارىسىنا اتسالىسقان جاندارعا قاراپ، قالاي ەڭبەكتەنگەندەرىن بايقاۋعا بولادى. ءبىز بۇگىن ۇلى ويشىلمەن بايلانىستاعى بارلىق تاريحي ورىنعا بارىپ قايتتىق. بۇل رەسپۋبليكامىزدىڭ تۋريستىك كارتاسىنا ەنگىزىلەدى. مۇندا قازاقستاندىق تۋريستەردەن بولەك، شەتەلدىكتەر دە كەلەتىن بولادى. بارلىق نىساننىڭ تەحنولوگيالىق قۇرالدارمەن قامتاماسىز ەتىلۋى قۋانتادى. بۇل كەلەشەك ۇرپاقتىڭ مادەني مۇرانى مەڭگەرۋىنە سەپتىگىن تيگىزەدى، - دەپ قورتىندىلادى قىرىمبەك كوشەربايەۆ.
پىكىر قالدىرۋ