"اقش پورتلەند كوشەلەرىندە دونالد ترامپتىڭ جاقتاستارى مەن ناسىلدىك ادىلەتسىزدىككە نارازىلىق بىلدىرۋشىلەرى اراسىنداعى قاقتىعىس كەزىندە ءبىر ادام اتىلدى" دەپ حابارلايدى The Indeppendent باسىلىمى.
پوليسيانىڭ حابارلاۋىنشا، سەنبى كۇنى كەشكە ورەگون قالاسىندا ەر ادام كەۋدەسىنەن اتىپ ولتىرىلگەن.
كىسى ءولتىرۋ بويىنشا تەرگەۋ باستالدى.
سەنبى كۇنى اقش پرەزيدەنتىنىڭ جاقتاستارى كەرۋەنى مەن قالا ورتالىعىنداعى قارسى نارازىلىق بىلدىرۋشىلەر اراسىندا قاقتىعىس باستالعان.
وفيسەرلەر اتىس بولعان جەرگە "ءبىر مينۋتتىڭ ىشىندە" كەلگەنى حابارلانعان. ءبىراق وقيعا ورنىنداعىلاردىڭ كومەگىنە قاراماستان، وق تيگەن ادام قايتىس بولعان.
قارا ءناسىلدى جىگىت دجوردج فلويد پوليسيا قولىنان قايتىس بولعاننان كەيىن، ءۇش ايدان استام ۋاقىتتان بەرى ءار كۇنى پورتلەندتە نارازىلىق اكسيالارى بولىپ كەلەدى.
پىكىر قالدىرۋ