شىعىس قازاقستاندا جوعالىپ كەتكەن 7 جاسار بالا ءولى كۇيىندە تابىلدى، دەپ حابارلادى Polisia.kz.

29 تامىزدا كەشكە زۋبوۆسك اۋىلىندا جوعالىپ كەتكەن ەدۋارد ءولى كۇيىندە تابىلدى.

30 تامىز كۇنى بالانىڭ اتا-اناسى پوليسياعا بالاسىنىڭ جوعالىپ كەتكەنىن حابارلاعان.

اتا-اناسىنىڭ ايتۋىنشا، اۋلاعا ويناۋعا شىققان بالا جوعالىپ كەتكەن. پوليسياعا حابار تۇسكەن سوڭ، بالانى ىزدەۋگە بارلىق پوليسيا قىزمەتكەرلەرى، ەرىكتىلەر، سونداي-اق اۋىل تۇرعىندارى كىرىسكەن.

وبلىستىڭ پوليسيا دەپارتامەنتىنىڭ حابارلاۋىنشا، بالانىڭ دەنەسى زۋبوۆسك ماڭايىنان تابىلىپ، زورلىق-زومبىلىقپەن ولتىرىلگەنى انىقتالعان. ءتارتىپ ساقشىلارى بالانى ەرتىپ كەتكەن 20 جاستاعى تۇرعىندى ۇستادى.

– وسى دەرەك بويىنشا "ادام ءولتىرۋ" بابىنا ساي سوتقا دەيىنگى تەرگەۋ باستالدى. كۇدىكتى كىناسىن مويىندادى. ول التاي پوليسيا ءبولىمىنىڭ ۋاقىتشا ۇستاۋ يزولياتورىنا قامالدى، – دەدى وبلىستىق پوليسيا دەپارتامەنتىنىڭ باسشىسى ساعات مادييەۆ.