شەتەلدىك ب ا ق اقش پرەزيدەنتى دونالد ترامپتىڭ دەنساۋلىعى سىر بەرىپ، "بىرنەشە رەت ينسۋلت العانىن" حابارلادى. بيلل كلينتوننىڭ بۇرىنعى كومەكشىسى دجو لوكحارت "ترامپ ينسۋلت العانىن سايلاۋشىلاردان جاسىردى" دەپ مالىمدەدى.
The Independent باسىلىمى اقش پرەزيدەنتى ءجۇرىپ بارا جاتىپ ەكى رەت سۇرىنگەنىن حابارلادى. بريتانيالىق گازەت "ۆيسە-پرەزيدەنت مايك پەنستىڭ رەسپۋبليكاشىلدار تاراپىنان نوميناسياسىن قابىلداۋ تۋرالى بەيسەنبى كۇنگى بالتيموردا سويلەگەن سوزىنەن كەيىن ترامپ ءبىر رەت جىعىلىپ قالا جازداعان. سودان كەيىن جۇما كۇنى كەشكە نيۋ-گەمپشيردەگى اۋەجاي كامپانياسىنىڭ جينالىسى كەزىندە باسپالداقپەن كوتەرىلگەندە سۇرىنگەن" دەپ جازدى.
كەيبىر سىنشىلار ترامپتىڭ كەي سوزدەردى دۇرىس دىبىستاي الماي سويلەۋىن نەمەسە ءتىلىن شايناپ سويلەۋىن بايلانىستىرىپ، ءتۇرلى جورامالدار جاساعان.
بۇرىنعى پرەزيدەنت بيلل كلينتوننىڭ باسپا ءسوز حاتشىسى دجو لوكحارت Twitter-دە "@realDonaldTrump دونالد ترامپ ينسۋلت العانىن امەريكالىق قوعامنان جاسىرىپ جۇرگەن سياقتى؟" دەپ مالىمدەگەن.
ال نيۋ-يورك تايمس گازەتىنىڭ ءتىلشىسى مايكل ءشميدتتىڭ ترامپ تۋرالى جاڭا كىتابىندا پرەزيدەنتتىڭ 2019 جىلدىڭ قاراشا ايىندا ۆالتەر ريد ۇلتتىق اسكەري گوسپيتالىنە كۇتپەگەن ساپارى تۋرالى جازعان. وندا ترامپ گوسپيتالدە جانسىزداندىرۋدى قاجەت ەتەتىن پروسەدۋرادان ءوتۋى كەرەك بولسا، ۆيسە-پرەزيدەنت مايك پەنس پرەزيدەنتتىك وكىلەتتىكتەردى ۋاقىتشا الۋ مۇمكىندىگى جازىلعان.
پىكىر قالدىرۋ