ن. نىعماتۋلين كەشە عانا مەملەكەت باسشىسى قاسىم-جومارت كەمەل ۇلى توقايەۆتىڭ كەزەكتى سەسسيانى اشىپ، پارلامەنت قابىرعاسىندا حالىققا ارناعان جولداۋىن جاريالاعانىن العا تارتا كەلىپ:
- مەملەكەت باسشىسى قاسىم-جومارت كەمەل ۇلى توقايەۆ ءوزىنىڭ جولداۋىندا ۋاقىت تالابىنا ساي دامۋ بويىنشا نەگىزگى باعىتتاردى جانە باتىل قادامداردى كورسەتىپ بەردى. ول – ەلىمىزدەگى بارلىق سالالارعا ارنالىپ وتىر. سوندىقتان، وسى باستامالاردى ساپالى زاڭدارمەن قامتاماسىز ەتۋ - دەپۋتاتتىق كورپۋستىڭ نەگىزگى مىندەتى بولىپ تابىلادى، - دەدى.
ءماجىلىس ءتوراعاسى ەڭ الدىمەن، جىل سوڭىنا دەيىن مەملەكەتتىك قىزمەت جۇيەسىن قايتا جاڭعىرتۋ ءۇشىن مەملەكەتتىك قىزمەت تۋرالى زاڭعا تۇزەتۋ ەنگىزۋ قاجەتتىگى تۋرالى ايتتى.
سونىمەن قاتار، پرەزيدەنتتىڭ ونەركاسىپ الەۋەتىن تولىق پايدالانىپ، ۇلتتىق ەكونوميكالىق ستراتەگيالىق قۋاتىن ارتتىرۋ ءۇشىن تەز ارادا قايتا وڭدەۋ ءىسىنىڭ جاڭا سالالارىن دامىتۋ كەرەكتىگىنە توقتالعان نۇرلان نىعماتۋلين بۇل جەردە «ونەركاسىپ ساياساتى تۋرالى» زاڭنىڭ ماڭىزدىلىعىنا ەرەكشە نازار اۋداردى.
ەكونوميكالىق ءوسىمدى قالپىنا كەلتىرۋ تۋرالى زاڭ جوباسى اياسىندا ءماجىلىس ءتوراعاسى دەپۋتاتتاردىڭ نازارىن مەملەكەت باسشىسىنىڭ جاڭا قۇرال-ستراتەگيالىق ينۆەستيسيالىق كەلىسىمدى ەنگىزۋ باستاماسىن زاڭنامالىق قولداۋدىڭ وزەكتىلىگىن ايتتى.
- جىل سوڭىنا دەيىن ۇكىمەتكە كۆازيمەملەكەتتىك سەكتوردىڭ بارلىق ساتىپ الۋلارىن قامتيتىن ءبىرىڭعاي زاڭ ازىرلەۋ تاپسىرىلدى. بۇل تاقىرىپتى دەپۋتاتتار بىرنەشە رەت كوتەرگەن بولاتىن. سونداي-اق، پرەزيدەنت ءبىزدىڭ الدىمىزعا ۇكىمەتپەن جانە «اتامەكەن» ۇلتتىق پالاتاسىمەن بىرگە سالىق كودەكسى مەن زاڭعا تاۋەلدى اكتىلەردى قايتا قاراۋ تۋرالى مىندەت قويدى،- دەدى نۇرلان نىعماتۋلين.
قولدانىستاعى زاڭنامالىق اكتىلەردىڭ قاتارىندا ەكولوگيالىق كودەكس جوباسى بار. وسىعان وراي، ءماجىلىس ءتوراعاسى ۇلتتىق ساياباقتار مەن قازاقستاننىڭ باسقا دا تابيعا بايلىقتارىن زاڭنامالىق قورعاۋ قاجەتتى تۋرالى ايتىپ، وسى سالادا قۇقىق بۇزعان ازاماتتارعا قىلمىستىق جانە اكىمشىلىك جازانى قاتاڭداتۋ كەرەكتىگىنە كوڭىل ءبولدى.
نۇرلان ءنىعماتۋليننىڭ ايتۋىنشا، دەپۋتاتتارعا قۇقىق قورعاۋ جانە سوت جۇيەسىن رەفورمالاۋ، بيزنەستى قۇقىق قورعاۋ ورگاندارىنىڭ شامادان تىس ارالاسۋىنان قورعاۋ، سونداي-اق ازاماتتاردى، اسىرەسە بالالاردى كيبەربۇزۋشىلىقتان قورعاۋ ءۇشىن زاڭنامالىق نەگىز قاجەت. سونىمەن قاتار، ماجىلىستە قارالىپ جاتقان «قوعامدىق كەڭەستەر تۋرالى» زاڭ جوباسى وسى جىلدىڭ سوڭىنا دەيىن قابىلدانۋى كەرەك. پرەزيدەنتتىڭ قوعامدىق باقىلاۋ تۋرالى، سونداي-اق «اقپاراتقا قول جەتكىزۋ تۋرالى» زاڭدى ازىرلەۋ جانە قابىلداۋ تۋرالى تاپسىرماسى دا وزەكتى.
- ءبىزدىڭ الدىمىزدا كوپتەگەن اۋقىمدى جۇمىستار تۇر. باستى باعىت –مەملەكەت باسشىسىنىڭ تاپسىرمالارىن ىسكە اسىرۋدى زاڭنامالىق قولداۋ، - دەدى نۇرلان نىعماتۋلين.
(ءماجىلىستىڭ باسپا ءسوز قىزمەتى، 74-63-01. سۋرەتتى تۇسىرگەن ج.قۇسپانوۆ).
پىكىر قالدىرۋ