ءۇش جىل بۇرىن ءتجد-نىڭ ەسەبىندە نوسەر جاڭبىر جاۋعان كەزدە سۋ استىندا قالۋ ءقاۋپى بار 67 ۋچاسكە تىركەلگەن ەدى.

بۇل ماسەلەنى كەشەندى شەشۋ ءۇشىن سۋ استىندا قالۋ ءقاۋپى بار ۋچاسكەلەردىڭ سانىن ازايتاتىن پارمەندى شارالار قابىلداندى. ماسەلەن، 497 شاقىرىم ارىق جەلىلەرى سالىندى، 410 شاقىرىم وزەن ارنالارى نىعايتىلدى.

ناقتىلى جۇرگىزىلگەن جۇمىستاردىڭ ارقاسىندا 57 ۋچاسكەنىڭ سۋ باسىپ قالۋ ءقاۋپى جويىلدى، نوسەر جاڭبىر كەزىندە ولارعا ەش زيان كەلگەن جوق. ناتيجەسىندە قالادا سۋ استىندا قالۋ ءقاۋپى بار جەرلەر 4 ەسە ازايدى، ياعني سۋ باسىپ قالۋى مۇمكىن ۋچاسكەلەر 67-دەن 17-گە دەيىن ازايدى.

الماتى قالاسىنىڭ اكىمى باقىتجان ساعىنتايەۆتىڭ تاپسىرماسى بويىنشا سۋ باسىپ قالۋ الگوريتمى قايتا جاسالدى، قاتتى جاڭبىر بولجامى بويىنشا قولدا بار كۇشتەر مەن مۇمكىندىكتەر ءقاۋىپتى ۋچاسكەلەرگە جۇمىلدىرىلدى. قولدانىلعان جەدەل شارالار مۇنداي ءقاۋىپتى ايماقتاردىڭ سانىن 7 ەسەگە دەيىن تومەندەتتى.

سۋ باسىپ قالۋى مۇمكىن 17 ۋچاسكە بويىنشا جۇيەلى جۇمىستار جۇرۋدە، جاۋىن كارىزدەرى، ارىق جەلىلەرى سالىنىپ، باسقا دا ناقتىلى شارالار ىسكە اسۋدا.