بۇل تۋرالى وڭىرلىك كوممۋنيكاسيالار قىزمەتىنىڭ الاڭىندا الماتى قالاسى بويىنشا تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى – الماتى قالاسىنىڭ باس مەملەكەتتىك سانيتار دارىگەرى جانداربەك بەكشين ايتتى.

2020 جىلدىڭ 3 تامىزى ساعات 00:00-دەن باستاپ COVID-19 كوروناۆيرۋس ينفەكسياسىنىڭ تارالۋىن بولدىرماۋ جونىندەگى قوسىمشا شەكتەۋ شارالارى ەنگىزىلەدى. جەكەلەي العاندا، COVID-19 دياگنوزى راستالعاندار جانە پتر ناتيجەسى وڭ كورسەتكەن ازاماتتار ۇيدە وقشاۋلانۋ تالاپتارىن ورىنداۋلارى مىندەتتى.

قالانىڭ باس مەملەكەتتىك سانيتار دارىگەرى ايتۋىنشا، بۇگىندە وكىنىشكە قاراي ازاماتتار تاراپىنان ءۇي كارانتينى ەرەجەسىن بۇزۋ انىقتالعان، ۇيدەن شىعىپ كەتەتىندەر كوپ. قوسىمشا شارالار كوروناۆيرۋس ينفەكسياسىنىڭ تارالۋىن ەسكەرتۋگە باعىتتالعان.

«اۋرۋ بەلگىلەرى جوق ونى تاراتۋشى بارلىق كەزدە ەرەكشە ءقاۋىپ توندىرەدى. گەپاتيت ا جۇقتىرعانداردىڭ ءوزى 20 ادامعا دەيىن جۇقتىراتىنى ەسىمىزدە. كوبى ءبىز كورىپ وتىرعانىمىزداي، بۇل تالاپتى بۇزادى. بۇل كورشىلەردىڭ جۇقتىرۋىنا جانە ينفەكسيانىڭ ودان ارى تاراۋىنا اكەلەۋى مۇمكىن. سول سەبەپتى ءبىز ۆيرۋستىڭ ودان ارى تارالۋىن جويۋدا ارنايى شارالار قابىلدادىق»، — دەپ حابارلادى ج. بەكشين.

سونىمەن بىرگە، ول اتالعان تالاپتاردى ورىنداماعانى جانە بۇزعانى ءۇشىن ازاماتتاردى اكىمشىلىك جانە قىلمىستىق جاۋاپكەرشىلىككە تارتۋ قاراستىرىلعانىن اتاپ ءوتتى.

«قالا تۇرعىندارىنا قاۋىپسىزدىكتى قامتاماسىز ەتۋ ءۇشىن ءبىزدىڭ تاراپىمىزدان قاتاڭ شارالار قابىلداندى، بۇل شارالار شىن مانىندە ءۇي كارانتينىندەگىلەرگە جانە پتر ناتيجەسى وڭ شىققان اۋرۋ بەلگىلەرى جوق ادامدارعا ولاردىڭ قايتا جۇقتىرۋىن توقتاتۋعا باعىتتالعان»، — دەپ تولىقتىردى ول.

وقشاۋلانۋ جانە باسقا ادامداردىڭ جۇقتىرماۋى ءۇشىن شارالاردى قولدانۋ مۇمكىندىگى بولماعان جاعدايدا تۇرعىندارعا الماتى قالاسىنىڭ قوعامدىق دەنساۋلىق ساقتاۋ باسقارماسىنىڭ +7 (727) 300-05-05، +7 (727) 300-01-03 جەدەل تەلەفون نومىرلەرىنە حابارلاسۋ قاجەت جانە كورسەتىلگەن مەكەن-جاي بويىنشا ءوز ەركىمەن كارانتيندىك ستاسيونارعا جاتۋى كەرەك.

COVID-19 دياگنوزى راستالعان تۇلعانىڭ كارانتيندىك ستاسيوناردا بولۋى بيۋدجەت ەسەبىنەن تولەنەدى.