قۇربان ايتتىڭ ءبىرىنشى كۇنى، 31 شىلدەدە Qurban-2020 ونلاين پلاتفورماسى ارقىلى 296 باس قۇرباندىق مالى ،سونىمەن بىرگە 6 ءىرى مال شالىندى. مۇقتاج جانداردى قامتۋ بويىگشا بارلىق شارالار قولعا الىنعان. بارلىق قۇرباندىق ەتى 1200 مۇقتاج ادامعا تاراتىلدى. قۇباندىققا شالىنعان ەتتى تاراتۋ ءۇشىن 80 ۆولونتەر، 6 شاعىن اۆتوبۋس، 30 جەڭىل اۆتوكولىك تارتىلدى.

قالانىڭ باس مەملەكەتتىك سانيتار دارىگەرىنىڭ قاۋلىسىنا سايكەس، كوروناۆيرۋس ينفەكسياسىنىڭ تاراتپاۋ ماقساتىندا 31 شىلدەدەن 2 تامىز ارالىعىندا كەلەسى تىزىمدە تىيىم سالىنعانىن ەسكە سالامىز:
- مەنشىك يەسىنە قاراماستان، بارلىق ۇيىمداردا، سونىمەن بىرگە، جەكەمەنشىك ءۇي-جايلار مەن مەدرەسەلەردە ادامداردىڭ جاپپاي جينالۋىمەن وتەتىن شارالاردى وتكىزۋگە؛
- الماتى قالاسىنىڭ اۋماعىندا اۆتوكولىكتەر ارقىلى مال سويىسىن ۇيىمداستىرۋعا جانە سويۋعا، جانە جەكەمەنشىك ءۇي-جايلاردا مال ساتۋعا.

سونىمەن بىرگە، بەلگىلەنگەن مەرزىمدە الماتى قالاسىنىڭ ورتالىق مەشىتىمەن بەكىتىلگەن ونلاين رەجيمدە قۇرباندىق شالۋدى جۇزەگە اسىراتىن ورىنداردى قوسپاعاندا، مال ساتاتىن سەحتار مەن بازارلاردىڭ جۇمىسى توقتاتىلدى.
قاۋلىنى ورىنداۋ ماقساتىندا ءدىن ىستەرى جونىندەگى باسقارما، پوليسيا دەپارتامەنتىنىڭ جپق، سەس جانە ۆەتەرينارلىق قىزمەتكەرلەرىمەن مەشىتتەردە، بازارلاردا، قايىرىمدىلىق مەكەمەلەرىندە، ماي سوياتىن سەحتاردا جانە باسقا ورىنداردا كەزەكشىلىك ۇيىمداستىرىلعان.

قازاقستان مۇسىلماندارى ءدىني باسقارماسى حابارلاعانداي، 31 شىلدە كۇنى بەلگىلەنبەگەن ورىنداردا مال سويىپ، ونى ساتۋدىڭ 14 فاكتىسى انىقتالدى. ازاماتتاردى سانيتارلىق تالاپتاردى ساقتاۋعا شاقىرامىز، بەلگىلەنبەگەن ورىنداردا مال سويىپ، ونى ساتۋ كوروناۆيرۋس ينفەكسياسىنىڭ تارالۋىنا اكەلۋى مۇمكىن. بارلىعىنان قوعامدىق ءتارتىپتى بۇزباۋعا شاقىرامىز.