باعدات مۋسين ق ر سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى قىزمەتىنە تاعايىندالدى. بۇل تۋرالى اقوردا حابارلادى.
"باعدات باتىربەك ۇلى مۋسين قازاقستان رەسپۋبليكاسىنىڭ سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى بولىپ تاعايىندالسىن" دەلىنگەن پرەزيدەنت جارلىعىندا.
باعدات مۋسين 1983 جىلى 3 ناۋرىزدا پاۆلودار وبلىسىندا دۇنيەگە كەلگەن.
سۇلەيمەن دەميرەل اتىنداعى ۋنيۆەرسيتەتتى، قازاق قۇقىقتانۋ جانە حالىقارالىق قاتىناستار ينستيتۋتىن بىتىرگەن.
2011 جانە 2012 جىلدار ارالىعىندا ق ر بام مەملەكەتتىك قىزمەتتەردى اۆتوماتتاندىرۋدى باقىلاۋ جانە حقو قىزمەتىن ۇيلەستىرۋ كوميتەتى ءتوراعاسىنىڭ ورىنباسارى بولدى.
2012 جىلدان باستاپ ق ر كولىك جانە كوممۋنيكاسيا مينيسترلىگىنىڭ مەملەكەتتىك قىزمەتتەردى اۆتوماتتاندىرۋدى باقىلاۋ جانە حقو قىزمەتىن ۇيلەستىرۋ كوميتەتى ءتوراعاسىنىڭ لاۋازىمىن اتقاردى.
2014 جىلدىڭ ساۋىرىندە «ۇلتتىق اقپاراتتىق تەحنولوگيالار» اق باسقارما ءتوراعاسى بولىپ تاعايىندالدى.
2017 جىلى 25 قاڭتاردا قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارناۋلى ەسەپكە الۋ كوميتەتىنىڭ ءتوراعاسى قىزمەتىنە تاعايىندالدى.
بيىل ناۋرىز ايىندا ق ر پرەزيدەنتىنىڭ سيفرلاندىرۋ جانە يننوۆاسيالىق تەحنولوگيالار جونىندەگى كەڭەسشىسى بولىپ تاعايىندالعان.
پىكىر قالدىرۋ