قازاقستاندا بىرنەشە دەپۋتاتتىڭ وكىلەتتىگى مەرزىمىنەن بۇرىن توقتاتىلدى. بۇل تۋرالى پارلامەنت ءماجىلىسىنىڭ جالپى وتىرىسىندا نۇرلان نىعماتۋلين مالىمدەدى.
دەپۋتاتتار الدىمەن ايزادا قۇرمانوۆانىڭ دەپۋتاتتىق وكىلەتتىگىن مەرزىمىنەن بۇرىن توقتاتۋ تۋرالى قاۋلىنى ءبىراۋىزدان ماقۇلدادى. ەكس-دەپۋتات قازىرگى ۋاقىتتا پاۆلودار وبلىسى اكىمىنىڭ ورىنباسارى قىزمەتىنە تاعايىندالدى. ەندى قۇرمانوۆا جاڭا قىزمەتىندە الەۋمەتتىك ماسەلەلەرگە جاۋاپ بەرەدى.
ەكس-دەپۋتات نۇرلان دۋلاتبەكوۆتىڭ دەپۋتاتتىق وكىلەتتىگى دە توقتاتىلدى. ول قازىرگى ۋاقىتتا بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ رەكتورى قىزمەتىنە تاعايىندالدى.
سونداي-اق، پارلامەنت ءماجىلىسىنىڭ دەپۋتاتى نۇرلان ءابدىروۆتىڭ دە وكىلەتتىگى مەرزىمىنەن بۇرىن توقتاتىلدى. ول كۇنى كەشە سەنات ءتوراعاسىنىڭ ورىنباسارى قىزمەتىنە سايلاندى.
ءماجىلىس ءتوراعاسى نۇرلان نىعماتۋلين "نۇرلان" ەسىمدى دەپۋتاتتاردىڭ كەتىپ بارا جاتقانىن ازىلمەن جەتكىزدى.
پىكىر قالدىرۋ