الماتىدا جىل سوڭىنا دەيىن ەلەكتر قۋاتىنىڭ تاريفتەرى كوتەرىلمەيدى. بۇل تۋرالى الماتى قالاسى وڭىرلىك كوممۋنيكاسيالار قىزمەتى الاڭىندا وتكەن ونلاين-بريفينگ بارىسىندا الماتى قالاسى ەنەرگوتيىمدىلىك جانە ينفراقۇرىلىمدىق دامۋ دەپارتامەنتىنىڭ باسشىسى اسەت ماسابايەۆ ايتتى.

«جىل سوڭىنا دەيىن ەلەكتر قۋاتىنىڭ تاريفى وسپەيدى»، — دەپ سەندىردى ءا. ماسابايەۆ.

سونىمەن قاتار، ول توتەنشە جاعدايلاردىڭ الدىن الۋ ءۇشىن، قالادا جىلىتۋ ماۋسىمىنا دايىندالىپ جاتقاندىعىن اتاپ ءوتتى.

«ءۇش جىل ىشىندە 1986 جىلدان بەرى جوندەلمەگەن تولە بي كوشەسىنىڭ جىلۋ ماگيسترالىنىڭ ۇلكەن بولىكتەرى اۋىستىرىلدى. بۇل جۇمىس مامىر ايىندا باستالدى. ءبىز بارلىق جابدىقتاردى، قۇبىرلار مەن جىلۋ جەلىلەرىن تەكسەردىك. 200-دەن استام زاقىمدالعان جەرلەر انىقتالدى. ولاردىڭ 80% جوندەلدى. قالعانىن قىركۇيەككە دەيىن اياقتاۋدى جوسپارلاپ وتىرمىز »، — دەدى ا. ماسابايەۆ.