قازاقستان رەسپۋبليكاسى باس پروكۋرورىنىڭ ورىنباسارى مارات مۇرات ۇلى دۋلات ءاعادىلدىڭ اسىنا بارعانداردى قانداي ايىپپەن ايىپتالىپ جاتقانىن ءتۇسىندىردى. بۇل تۋرالى ول ورتالىق كوممۋنيكاسيالار قىزمەتىنىڭ الاڭىندا وتكەن كونفەرەنسيادا ايتتى.
– دۋلات ءاعادىلدىڭ ەسكە الۋ اسىنا بارعان قوعام بەلسەندىلەرى وندا بارعانى ءۇشىن ايىپتالىپ جاتقان جوق. ولار كارانتين ۋاقىتىندا الاڭعا شىعىپ رۇقساتسىز ميتينگ جاساعانى ءۇشىن قىلمىستىق جاۋاپكەرشىلىككە تارتىلىپ جاتىر. مەن ناقتى قانشا ادامنىڭ قىلمىستىق جاۋاپكەرشىلىككە تارتىلعانىن ايتا المايمىن. ءبىراق اكىمشىلىك جاۋاپكەرشىلىككە تارتىلعان ازاماتتار بار، – دەدى مارات مۇرات ۇلى.
ەسكە سالا كەتەيىك، 16 تامىزدان باستاپ الماتى قالاسىنىڭ ءبىر توپ بەلسەندىلەرى ماسانچي – قاراساي باتىر كوشەلەرىنىڭ قيىلىسىندا ورنالاسقان ءىىد الدىندا تۇر. ولاردىڭ ايتۋىنشا، دۋلات ءاعادىلدىڭ اسىنا بارعانداردى پوليسيا وكىلدەرى ۇستاپ، بولىمشەگە الىپ كەلگەن. ۇيلەرىندە ءتىنتۋ جۇمىستارىن جاساپ، نوۋتبۋك، فلەشكا سەكىلدى اقپارات كوزى ساقتالعان دۇنيەلەردى العان. نارازىلىق ءبىلدىرىپ جينالعان توپتىڭ باستى تالابى – قاماۋعا الىنعان ازاماتتاردىڭ بوستاندىعىن سۇراپ كەلگەن.
پىكىر قالدىرۋ