پرەزيدەنت قاسىم-جومارت توقايەۆ ورتالىق اتقارۋشى ورگاندار باسشىلارىنىڭ، اكىمدەردىڭ، ۇلتتىق جوعارى وقۋ ورىندارى رەكتورلارىنىڭ حالىققا ەسەپ بەرۋ كەزدەسۋلەرىن وتكىزۋى تۋرالى جارلىققا وزگەرىس ەنگىزدى، دەپ حابارلايدى اقوردا.
وزگەرىس ەنگەن جارلىقتىڭ جاڭا رەداكسياسىنىڭ تولىق ءماتىنى تومەندە ۇسىنىلىپ وتىر.
"ورتالىق اتقارۋشى ورگاندار باسشىلارىنىڭ، اكىمدەردىڭ، ۇلتتىق جوعارى وقۋ ورىندارى رەكتورلارىنىڭ حالىققا ەسەپ بەرۋ كەزدەسۋلەرىن وتكىزۋ تۋرالى" قازاقستان رەسپۋبليكاسى پرەزيدەنتىنىڭ 2016 جىلعى 5 اقپانداعى № 190 جارلىعىنا (قازاقستان رەسپۋبليكاسىنىڭ ءپۇاج-ى، 2016 ج.، № 14، 53-قۇجات) مىناداي وزگەرىستەر مەن تولىقتىرۋ ەنگىزىلسىن:
1-تارماق مىناداي رەداكسيادا جازىلسىن:
"1. ورتالىق اتقارۋشى ورگانداردىڭ (قازاقستان رەسپۋبليكاسىنىڭ قورعانىس، سىرتقى ىستەر مينيسترلىكتەرىن قوسپاعاندا) باسشىلارى جىل سايىن ەكىنشى توقسان ىشىندە وڭىرلەرمەن بەينەكونفەرەنسبايلانىسىن، الەۋمەتتىك جەلىلەردەگى رەسمي اككاۋنتتاردا جانە بۇقارالىق اقپارات قۇرالدارى سالاسىنداعى ۋاكىلەتتى ورگان ايقىندايتىن اقپاراتتىق ينتەرنەت-رەسۋرستا ونلاين-ترانسلياسيالار ۇيىمداستىرا وتىرىپ، جۇرتشىلىق وكىلدەرىمەن ەسەپ بەرۋ كەزدەسۋلەرىن وتكىزسىن، ولاردىڭ بارىسىندا ەلدە ىسكە اسىرىلىپ جاتقان رەفورمالار، الەۋمەتتىك-ەكونوميكالىق دامۋ، ستراتەگيالىق جوسپارلاردىڭ ءتۇيىندى كورسەتكىشتەرىنە قول جەتكىزۋ مەن ءتيىستى سالالاردى دامىتۋ جونىندەگى مىندەتتەر، ولاردىڭ پروبلەمالارى مەن شەشۋ جولدارى، ۇلتتىق ءال-اۋقات قورىن قوسپاعاندا، مەملەكەتتىك كاسىپورىنداردىڭ، مەملەكەت باقىلايتىن اكسيونەرلىك قوعامدار مەن جاۋاپكەرشىلىگى شەكتەۋلى سەرىكتەستىكتەردىڭ (بۇدان ءارى – مەملەكەت قاتىساتىن ۇيىمدار) قويىلعان مىندەتتەردى ورىنداۋ قورىتىندىلارى جانە قارجى-شارۋاشىلىق قىزمەتىنىڭ قول جەتكىزىلگەن ناتيجەلەرى تۋرالى حاباردار ەتسىن.
ۇلتتىق باسقارۋشى حولدينگتەر، ۇلتتىق حولدينگتەر، ۇلتتىق كومپانيالار اكسيالارىنىڭ مەملەكەتتىك پاكەتىن يەلەنۋ جانە پايدالانۋ قۇقىعىن جۇزەگە اسىراتىن مەملەكەتتىك ورگاندار وسى ۇيىمدار باسشىلارىنىڭ قارجى-شارۋاشىلىق قىزمەتتىڭ قورىتىندىلارى تۋرالى جىل سايىنعى نەگىزدە ءۇشىنشى توقسان ىشىندە الەۋمەتتىك جەلىلەر ارقىلى جۇرتشىلىق وكىلدەرىمەن
ينتەرنەت-كونفەرەنسيالار وتكىزۋى ءۇشىن شارالار قابىلداسىن".؛
5-تارماق مىناداي مازمۇنداعى 3) تارماقشامەن تولىقتىرىلسىن:
"3) ۇلتتىق ءال-اۋقات قورىن قوسپاعاندا، مەملەكەت قاتىساتىن ۇيىمداردىڭ ءبىرىنشى باسشىلارىنىڭ حالىققا ەسەپ بەرۋ كەزدەسۋلەرىنە قاتىسۋىن قامتاماسىز ەتسىن"؛
6-تارماق مىناداي رەداكسيادا جازىلسىن:
"6. ەسەپ بەرۋ كەزدەسۋلەرى جانە ازاماتتاردى قابىلداۋ اياقتالعان كۇننەن باستاپ كۇنتىزبەلىك ون كۇننەن كەشىكتىرمەي ەسەپتەردى، مەملەكەت قاتىساتىن ۇيىمداردىڭ قويىلعان مىندەتتەردى ورىنداۋ قورىتىندىلارى جانە قارجى-شارۋاشىلىق قىزمەتىنىڭ قول جەتكىزىلگەن ناتيجەلەرى تۋرالى اقپاراتتى (قولجەتىمدىلىك شەكتەۋلى اقپاراتتى قوسپاعاندا) جانە ەسەپ بەرۋ كەزدەسۋلەرىندە حالىق كوتەرگەن پروبلەمالىق ماسەلەلەردىڭ تىزبەسىن ولاردى شەشۋ بويىنشا ءتيىستى شارالار قابىلداۋ مەرزىمدەرىن كورسەتە وتىرىپ:
ورتالىق اتقارۋشى ورگانداردىڭ باسشىلارى جانە وبلىستاردىڭ، رەسپۋبليكالىق ماڭىزى بار قالالاردىڭ، استانانىڭ، اۋدانداردىڭ، وبلىستىق ماڭىزى بار قالالاردىڭ، قالاداعى اۋدانداردىڭ اكىمدەرى – ءتيىستى مەملەكەتتىك ورگاننىڭ رەسمي ينتەرنەت-رەسۋرستارىندا جانە (نەمەسە) "ەلەكتروندىق ۇكىمەت" ۆەب-پورتالىندا؛
اۋداندىق ماڭىزى بار قالالاردىڭ، اۋىلدىق وكرۋگتەردىڭ، كەنتتەر مەن اۋىلداردىڭ اكىمدەرى بۇقارالىق اقپارات قۇرالدارىندا، بار بولعان جاعدايدا اكىمدەر اپپاراتتارىنىڭ رەسمي ينتەرنەت-رەسۋرستارىندا جانە (نەمەسە) "ەلەكتروندىق ۇكىمەت" ۆەب-پورتالىندا ورنالاستىرۋدى قامتاماسىز ەتسىن.
وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
پىكىر قالدىرۋ