قازاقستاننىڭ دەنساۋلىق ساقتاۋ ءمينيسترى الەكسەي سوي كوروناۆيرۋستىڭ ەكىنشى تولقىنىنا دايىندىق ءجۇرىپ جاتقاندىعىن ايتتى. بۇل تۋرالى ول ورتالىق كوممۋنيكاسيالار قىزمەتىندەگى بريفينگتە ايتتى.

– ءبىز كورشىلەس مەملەكەتتەرگە مونيتورينگ جۇرگىزىپ، باقىلاپ وتىرامىز. سونداي-اق ەۋروپا ايماعىندا ورنالاسقان (يتاليا، يسپانيا، گەرمانيا، تۇركيا، وڭتۇستىك كورەيا) مەملەكەتتەرىن دە قاراپ، اۋرۋدىڭ كۇرت وسكەنىن بايقايمىز. تمد ەلدەرىندە ىندەتتىڭ ءوسۋى 0،5% قۇرايدى، بۇل ءبىزدىڭ ەلگە قاراعاندا 5 ەسە جوعارى كورسەتكىش، – دەيدى ول.

مينيستر ءوز سوزىندە الەمدىك پاندەميانىڭ ەكىنشى تولقىنىنا دايىندالىپ جاتقاندىعىن جەتكىزدى.

– بولىپ جاتقان جاعداي ءبىزدى الاڭداتپاۋى مۇمكىن ەمەس. قازاقستان باسقا ەلدەر سياقتى كوروناۆيرۋستىڭ ەكىنشى تولقىنىنا دايىندالىپ جاتىر، – دەدى الەكسەي سوي.

وتكەن تاۋلىكتە 86 ادامدا كوروناۆيرۋس ىندەتى پتر ارقىلى راستالدى. جالپى ەل بويىنشا اۋىرعاندار سانى – 106 584.