ءبىلىم جانە عىلىم مينيسترلىگىنىڭ قارجىلىق قىزمەتىن تەكسەرۋ ماسەلەسىنە قاتىستى سۇراقتارعا ءبىلىم جانە عىلىم ۆيسە-مينيسترى شولپان كارينوۆا ورتالىق كوممۋنيكاسيالار قىزمەتى بريفينگىندە جاۋاپ بەردى.

– دۇنيەجۇزىلىك بانكىنىڭ زايمىنا، قارىزعا بايلانىستى الەۋمەتتىك جەلىلەردە كوتەرىلگەن ماسەلە  بويىنشا تۇسىنىك بەرىپ كەتكەندى ءجون كورەمىن. قارىزدى الۋ 2014 جىلى باستالعان بولاتىن. وسى جىلى شەشىم بەكىتىلىپ، 2018 جىلى بارلىق دەپۋتاتتار ىسكە اسىرىلۋىن قولداعان بولاتىن. 2018 جىلى ءتيىستى بيۋدجەتتىك ۇسىنىمدار بويىنشا، بيۋدجەتتىك جوسپارلاۋ جۇمىستارىنا بايلانىستى حالىقارالىق قارىز بولعاندىقتان، ونىڭ رەسمي جۇمىسىن جۇرگىزۋ بويىنشا ىستەر اتقارىلدى. قارىزعا بايلانىستى ءوزىنىڭ بەكىتىلگەن جوسپارى بار. وسى جوسپارعا ساي ءتيىستى جۇمىستار جۇرگىزىلىپ كەلە جاتىر.

بۇگىنگى كۇنى دەپۋتاتتار كوتەرىپ جاتقان ماسەلە – "نەلىكتەن وسى قارىز كولەمىندە جوسپارلانعان كومپيۋتەرلەر تەحنيكاسى ساتىپ الىنبادى؟". وسى بويىنشا تەرەڭىرەك توقتالىپ وتەيىن. جالپى بۇل كومپيۋتەرلەردى ساتىپ الۋ ماسەلەسى 2021 جىلعا جوسپارلانعان بولاتىن. ءتيىستى قاراجاتتاردى 2021 جىلعا قاراي قاراستىرىلعان. بۇنىڭ نەگىزگى ماقساتى – وسى قارىزدىڭ شەڭبەرىندە الدىڭعى كونتەنتتىك جۇمىستاردى جوسپارلاپ، اياقتاۋ. ونىڭ ىشىندە، ءبىلىمنىڭ ساپاسىن جاقسارتۋ، وقۋلىقتارعا، ينكليۋزيۆتى ءبىلىم بەرۋگە، جالپى پەداگوگيكالىق ءبىلىمدى جاڭارتۋ ماسەلەلەرىنە بايلانىستى ءبىرقاتار جوبالاردى ىسكە اسىرۋ بولاتىن. وسى كونتەنت جاعىن رەتتەگەننەن كەيىن بارىپ قانا ءتيىستى تەحنيكالىق قۇرالداردى الۋدى جوسپارلاعان بولاتىنبىز، – دەدى ۆيسە-مينيستر.

ۆيسە-مينيستر كومپيۋتەرلەردى ساتىپ الۋ جۇمىستارىنىڭ قولعا الىنعانىن اتاپ ءوتتى.

– ال ەندى بيىل پاندەميا ەشكىمگە ايتىپ كەلگەن جوق. وسى ماسەلە توڭىرەگىندە تەز ساتىپ الۋ جۇمىستارىن دا مينيسترلىك قولعا الىپ باستاپ كوردى. وسى ناۋرىز ايىندا دۇنيەجۇزىلىك بانككە حابارلاسىپ، تەز، جىلدام  ساتىپ الۋ جۇمىستارىن شەشۋ ماسەلەسىن قويعان بولاتىنبىز. بۇل ۇكىمەتتىڭ تاراپى جاعىنان ءبىرقاتار قوسىمشا قاراجاتتاردى قاجەت ەتەدى. 

2021 جىلعا جوسپارلاعان قاراجاتتاردى رەسپۋبليكالىق بيۋدجەتتى ناقتىلاۋ كەزىندە جىلجىتىپ، 2020 جىلعا اكەلۋ سۇراقتارىن دا قاراستىرۋ ۇزاققا سوزىلاتىن ءىس. حالىقارالىق راسىمدەر بويىنشا، بۇل پروسەسس 9-دان 12 ايعا دەيىن ۋاقىت الادى. سوندىقتان وسى قارىز كولەمىندە كومپيۋتەرلەردى ساتىپ الۋ جۇمىسى بويىنشا قاشىقتان ۇيىمداستىرۋعا قاتىستى ۇلگەرەمىز دەيتىن بولساق، ناۋرىز ايىندا ساتىپ الۋدى باستايمىز. كەلەسى جىلى ناۋرىز ايىندا كونكۋرستىق پروسەدۋرالار بولادى. سودان كەيىن عانا جەتكىزىلەدى. وسى جاعداي ەسكەرىلىپ، مينيسترلىك كومپيۋتەر تەحنيكاسىن ساتىپ الۋ ماسەلەسىنە بايلانىستى قارىزدى توقتاتۋ شەشىمىن قابىلدادى. ودان باسقا بيۋدجەتتەن ءتيىستى قاراجاتتى ءبولۋ، جەرگىلىكتى بيۋدجەتتەن، رەسپۋبليكالىق بيۋدجەتتە مەكتەپتەردى كومپيۋتەرمەن قامتاماسىز ەتۋ جۇمىستارى باستالدى، – دەدى ۆيسە-مينيستر، – دەدى ول بريفينگتە.

ەسكە سالا كەتەيىك، كەشە پارلامەنت ءماجىلىسىنىڭ جالپى وتىرىسىندا دەپۋتات ءجاميلا نۇرمانبەتوۆا مەكتەپ وقۋشىلارىنىڭ قاشىقتىقتان ءبىلىم الۋىنا اشۋلانىپ، وقۋ جىلىنا ساپاسىز دايىندالعانى ءۇشىن شەنەۋنىكتەردى جاۋاپكەرشىلىككە تارتۋدى سۇراعان.

"قارجى قايدا كەتتى؟". دەپۋتات ءبىلىم مينيسترىنە سۇراق جولدادى