پرەزيدەنت قاسىم-جومارت توقايەۆتىڭ شەشىمىمەن قازاقستان رەسپۋبليكاسىنىڭ پرەزيدەنتى جانىنداعى رەفورمالار جونىندەگى جوعارى كەڭەس قۇرىلادى، دەپ حابارلادى اقوردا.

"ەلدىڭ ورنىقتى دامۋىن ستراتەگيالىق جوسپارلاۋ جانە ەكونوميكالىق، الەۋمەتتىك جانە ساياسي رەفورمالاردى تەرەڭدەتۋ ماقساتىندا قاۋلى ەتەمىن:

1. قازاقستان رەسپۋبليكاسىنىڭ پرەزيدەنتى جانىنداعى رەفورمالار جونىندەگى جوعارى كەڭەس قۇرىلسىن.

2. وسى جارلىقتىڭ ورىندالۋىن باقىلاۋ قازاقتان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.

3. وسى جارلىق قول قويىلعان كۇنىنەن باستاپ قولدانىسقا ەنگىزىلەدى" دەلىنگەن رەسمي سايت جاريالاعان جارلىقتا.

رەفورمالار جونىندەگى جوعارى كەڭەستىڭ قۇرامىنا:

قازاقستان رەسپۋبليكاسىنىڭ پرەزيدەنتى، ءتوراعا – قاسىم-جومارت كەمەل ۇلى توقايەۆ؛

ءتوراعانىڭ ورىنباسارى – سەر سۋما چاكرابارتي؛

جوعارى كەڭەستىڭ مۇشەلەرى:

قازاقستان رەسپۋبليكاسىنىڭ پرەمەر-مينيسترى – اسقار ۇزاقباي ۇلى؛

قازاقستان رەسپۋبليكاسى پرەزيدەنتى اكىمشىلىگىنىڭ باسشىسى – قوشانوۆ ەرلان جاقان ۇلى؛

قازاقستان رەسپۋبليكاسىۇلتتىق بانكىنىڭ ءتوراعاسى – دوسايەۆ ەربولات اسقاربەك ۇلى؛

قازاقستان رەسپۋبليكاسىنىڭ ستراتەگيالىق جوسپارلاۋ جانە رەفورمالار اگەنتتىگىنىڭ ءتوراعاسى – كەلىمبەتوۆ قايرات نەمات ۇلى؛

قازاقستان رەسپۋبليكاسىنىڭ قارجى نارىعىن دامىتۋ جانە رەتتەۋ اگەنتتىگىنىڭ ءتوراعاسى – ءابىلقاسىموۆا ءمادينا ەراسىل قىزى؛

قازاقستان رەسپۋبليكاسى پرەزيدەنتىنىڭ كومەكشىسى – قاۋىپسىزدىك كەڭەسىنىڭ حاتشىسى – يسەكەشيەۆ اسەت ورەنتاي ۇلى؛

قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ورىنباسارى  سۇلەيمەنوۆ تيمۋر مۇرات ۇلى؛

"اتامەكەن" قازاقستان رەسپۋبليكاسى ۇلتتىق كاسىپكەرلەر پالاتاسى ءتورالقاسىنىڭ ءتوراعاسى – قۇلىبايەۆ تيمۋر اسقار ۇلى.