الماتى وبلىسىندا كاسىپكەر داۋلەت تولەۋتايدىڭ باستاماسىمەن تۇركيا ەلىنەن قازاقستانعا ەكى جۇزدەن استام كيسلورودتى كونسەنتراتورلار اكەلىندى.

كۇللى قازاقستانعا تانىمال ازامات، جاس بولسا دا باس بولا بىلگەن ىسكەر جان، بۇگىندە قايىرىمدىلىق باعىتىندا ەلەۋلى جەتىستىكتەردىڭ شىڭىنان كورىنىپ جۇرگەن داۋلەت تولەۋتاي «داۋلەتتەن» قايىرىمدىلىق قورى ارقىلى ءدۇيىم رەسپۋبليكا اۋماعىنا كومەك قولىن سوزۋ ءۇشىن حالىققا ۇندەۋ تاستاپ، قارجى جيناعان ەدى.

ابزال ازاماتتىڭ باستاماسىمەن تۇركيا ەلىنەن قازاقستانعا ەكى جۇزدەن استام كيسلورودتى كونسەنتراتورلار اكەلىنگەن بولاتىن. ءبىر ايتا كەتەرلىگى، بۇل قايىرىمدىلىق قوزعالىسىنان اۋدانىمىز دا قۇر قالماي، ورتالىق اۋرۋحاناعا قور اتىنان 1 دانا تابىستالدى. قازىرگى جاعدايدا، بۇل قۇرال ءار اۋرۋحاناعا وتە قاجەتتى بولىپ سانالادى. سوندىقتان دا اۋدان حالقى اتىنان اتالعان قورعا شەكسىز ريزاشىلىعىمىزدى ايتامىز.

ەلدە دارى-دارمەكتىڭ جەتىسپەي جاتقان سوڭ ءار وڭىرلەردەگى بەلسەندىلەر الەۋمەتتىك جەلىلەردە پاراقشالار اشىپ، ارتىلعان دارىلەر تۋرالى اقپارات بەرىپ، تۇرعىندار اراسىندا ۇلەستىرۋگە كىرىستى. ەل اراسىندا شەتەلدەن دارى-دارمەك پەن قاجەت قۇرالدار الدىرتۋعا سەپتىگىن تيگىزىپ جاتقان مەسەناتتار قاتارى جەتىپ ارتىلادى.

ايتەكە بي: «باقىت دەگەن قۇس، تاق دەگەن ءتۇس، بايلىق دەگەن مۇز. ماڭگىلىك قالاتىن قايىرىمدى ادال ءىس»، – دەپتى. تىرشىلىكتە ءتىرى جۇرگەن كىسىنىڭ جاماندىقتان بۇرىن جاقسىلىق جاساۋدى عانا ويلاپ، ۇرلىق-قارلىق ەمەس، قولىنان كەلگەنشە قوعامعا پايدا كەلتىرگەنىنەن اسقان باقىت جوق. ەلىم دەگەن ازاماتتاردىڭ يگى ءىسى كوپكە ۇلگى. جانى جومارت جاندارعا حالىقتىڭ ريزاشىلىعى شەكسىز.