پرەمەر-مينيستردىڭ ورىنباسارى ەرالى توعجانوۆتىڭ توراعالىعىمەن وتكەن ۆەدومستۆوارالىق كوميسسيا وتىرىسىندا ەلدەگى كارانتين شارالارى جەڭىلدەپ، دەمالىس كۇندەرى كەي نىسانداردىڭ جۇمىسىن قايتا باستاۋىنا رۇقسات بەرىلگەنى حابارلاندى.

سانيتارلىق-ەپيدەميولوگيالىق احۋالدى تۇراقتاندىرۋ جانە جۇمىس كۇندەرى كەلۋشىلەردىڭ اعىنىن ازايتۋ ماقساتىندا دەمالىس كۇندەرى مىنا نىساندار ءوز جۇمىسىن قايتا باستايدى: 

• سۇلۋلىق سالوندارى، شاشتارازدار، كوسمەتيكالىق قىزمەت كورسەتەتىن وبەكتىلەر (infokazakhstan.kz پورتالىندا تىركەلۋ، الدىن الا جازىلۋ بويىنشا 1 كەلۋشىگە  4 ش. م.)؛
• فيتنەس-ورتالىقتارى، سپورتتىق-ساۋىقتىرۋ ورتالىقتارى، ترەناجەر زالدارى، سپورت كەشەندەرى، سپا-سالوندار، ساۋنالار، باسسەيندەر (infokazakhstan.kz پورتالىندا تىركەلۋ، تولىمدىلىعى 30% اسپايتىن، ءبىراق 50 ادامنان ارتىق ەمەس، الدىن الا جازىلۋ، ماسكا رەجيمىن، الەۋمەتتىك قاشىقتىقتى ساقتاۋ)؛
• ءدىني نىساندار (جەكە، ۇجىمدىق ءىس-شارالار وتكىزبەي).

سونىمەن قاتار، مەملەكەتتىك ورگانداردىڭ، "اتامەكەن" ۇكپ جانە وتاندىق تاۋار وندىرۋشىلەردىڭ تالقىلاۋدىڭ قورىتىندىسى بويىنشا ءبىر رەت قولدانىلاتىن مەديسينالىق ماسكالاردىڭ شەكتى بولشەك ساۋداداعى باعاسى 80 تەڭگەدەن 60 تەڭگەگە دەيىن، ياعني 25%-عا تومەندەتىلدى.