بيىلعى مامىر-شىلدە ايلارىندا الدىڭعى جىلداردىڭ سايكەس كەزەڭىنە قاراعاندا 24 مىڭ ادام ارتىق قايتىس بولعان. ولاردىڭ كوبى كوروناۆيرۋستان كوز جۇمعان بولۋى مۇمكىن. مۇنداي بولجامدى ستاتيستيكالىق دەرەكتەردى نەگىزگە العان ءال-فارابي اتىنداعى قازاق ۇلتتىق ۋنيۆەرسيتەتى دەنساۋلىق عىلىمي-زەرتتەۋ ينستيتۋتىنىڭ ديرەكتورى قايرات داۆلەتوۆ جاسادى.
"الدىندا مامىر مەن ماۋسىم ايلارىنداعى ارتىق ءولىم تۋرالى دەرەك شىقتى. كوروناۆيرۋستان قايتىس بولعاندار كوپ بولعان تراگەديالىق شىلدەنىڭ ناتيجەسىن اسا ۇرەيمەن كۇتىپ ءجۇردىم. ەندى مىنە، ستاتيستيكا كوميتەتى شىلدە ايىندا ولگەندەردىڭ دەرەگىن جاريالادى. شىنايى جاعداي مەن قاۋىپتەنگەن شەكتەن اسىپ ءتۇستى. قازاقستاندا ەxcess mortality نەمەسە كوروناۆيرۋستان كەلگەن ارتىق ءولىم دەرەگى 2020 جىلدىڭ شىلدەسىندە الدىڭعى جىلدارمەن سالىستىرعاندا 15 مىڭ – 16 مىڭعا ارتىق بولدى.
تومەندەگى قاراپايىم كەستەدە مامىر مەن شىلدە ارالىعىندا 23 مىڭ - 24 مىڭ ادام ارتىق قايتىس بولعانى كورسەتىلگەن. بالكىم، ءولىمنىڭ بارلىعى كوروناۆيرۋسپەن تىكەلەي بايلانىستى ەمەس شىعار. تولىق اناليز جاساۋ ءۇشىن بارلىق دەرەكتەردى (جىنىس پەن جاس، ايماق تاعى سول سياقتى بويىنشا) جيناۋ قاجەت. ءبىراق وسى ءولىمنىڭ باسىم بولىگى كوروناۆيرۋس پاندەمياسىمەن قاتىستى ەكەنى حاق" دەلىنگەن عالىمنىڭ facebook-تەگى جازباسىندا.
پىكىر قالدىرۋ