الەۋمەتتىك جەلىدە شىلىم شەگىپ، قاسكەلەڭ تۇرعىندارىمەن دورەكى سويلەسكەن شەنەۋنىكتىڭ ۆيدەوسى تاراۋدا.
"بۇگىن قاسكەلەڭدە نارازى ازاماتتار شۋ شىعاردى. ءبىر جاعى – ۇيىنە ءوز قاراجاتىنا پەش الىپ قوندىرعان تۇرعىندار. ەكىنشى تاراپ – اكىمدىك پەن تۇرعىن ۇي-كوممۋنالدىق شارۋاشىلىعى. ءبىراق اڭگىمە بۇل تۋرالى ەمەس. ءتۇرعىن-ۇي كوممۋنالدىق شارۋاشىلىعى (تكش) قىزمەتكەرىنە، ىس-ارەكەتىنە قاراڭىز. مادەنيەتتى ادام ءوزىن وسىلاي ۇستاي ما؟" دەلىنگەن جازبادا.
جازباداعى دەرەك بويىنشا ۆيدەوداعى ادام قاسكەلەڭدىك شەنەۋنىك. ول تۇرعىندارعا دورەكى سويلەپ، تەمەكى تارتىپ، ونىسىن ۇزاماي لاقتىرىپ بەيادەپ قىلىق كورسەتتى. بۇل تۇرعىنداردىڭ نارازىلىعىن تۋدىردى.
كادر سىرتىندا تۇرعىنداردىڭ "ءسىز اقىلدىسىز دا، ءبىز اقىماقپىز با؟"، "نەگە ادەپ ساقتامايسىز؟"، "بالالاردىڭ ويىن الاڭىنا نەگە تەمەكى تاستايسىز؟" دەگەن داۋسى شىقتى. شەنەۋنىك كوپ سۇراقتارعا قولىن ءبىر-اق سىلتەدى.
الماتى وبلىسى اكىمدىگىندەگىلەر جاعدايعا بايلانىستى پىكىر ءبىلدىردى. كادرداعى قىزمەتكەر تۇرعىن ۇي-كوممۋنالدىق شارۋاشىلىعى باسقارماسىنىڭ باس مامانى ەكەن.
– بۇل جاعداي قاراساي اۋدانىندا بولدى. قاسكەلەڭدەگى تولە بي كوشەسىنىڭ تۇرعىندارى بىرنەشە جىلدان بەرى قازاندىقتىڭ قۇرىلىسىنا نارازى بىرنەشە. سول جاققا تكش ءبولىمىنىڭ باس مامانى ەرمەك نابييەۆ بارعان. بۇل جاعداي سول كەزدە بولعان. ءقازىر مامان تۇسىنىكتەمە جازىپ جاتىر، ادەپ نورمالارى بويىنشا قىزمەتتىك تەكسەرىس جۇرگىزىلەدى، – دەدى الماتى وبلىسى ىشكى ساياسات ءبولىمىنىڭ باسشىسى اسەت نۇرەكەنوۆ.
دەرەككوز: تengrinews.kz
پىكىر قالدىرۋ