جۇڭگو تايۆان بۇعازىنىڭ ورتا سىزىعىنان ءوتىپ جويعىش ۇشاقتارىن جىبەردى، تايۆان ەسكەرتۋ رەتىندە بومبالاۋشىلارىن ۇشىردى. اقش تايۆانعا ءىرى قارۋلار بەرەتىنىن مالىمدەدى.
پەكين قورعانىس مينيسترلىگى تايۆان بۇعازى ماڭىندا ۇرىس جاتتىعۋلارىنىڭ باستالعانىن جاريالاپ، قىتايلىقق اسكەري ۇشاقتار تايۆان بۇعازىنىڭ سەزىمتال ورتا شەبىن كەسىپ وتكەن.
اقش-تىڭ ەكونوميكالىق ماسەلەلەر جونىندەگى كەڭەسشىسى كيت كراح بەيسەنبىدە تايبەيگە ءۇش كۇندىك ساپارمەن كەلگەن، بۇل سوڭعى ون ءتورت جىلداعى تايۆانعا كەلگەن اقش مەملەكەتتىك دەپارتامەنتىنىڭ ەڭ جوعارى شەنەۋنىگى.
پەكين تايبەي مەن ۆاشينگتون اراسىنداعى تىعىز قارىم-قاتىناستى سىنادى جانە ارالعا جاقىن اسكەري جاتتىعۋلاردى، سونىڭ ىشىندە وتكەن اپتادا ەكى كۇندىك جاپپاي اۋە جانە تەڭىز جاتتىعۋلارىن كۇشەيتتى.
تايۆان قورعانىس مينيسترلىگى جۇما كۇنى "قىتايدىڭ 18 ۇشاعى (اسكەري جاتتىعۋعا) قاتىستى" دەپ مالىمدەدى. حابارلاماعا سايكەس، تايۆان مەن پەكين ءبىر بىرىنە بومبالاۋشى ۇشاقتارمەن ەسكەرتۋ جاساعان.
پىكىر قالدىرۋ