جۇڭگو جويعىش ۇشاقتارى تايۆان بۇعازىنداعى شەكارالىق سىزىقتى ەسىپ وتكەن سوڭ، اقش مەملەكەتتىك حاتشىسى مايك پومپەو بەيجىڭنىڭ اسكەري ارەكەتىن ايىپتادى.
اقش-تىڭ رەسمي وكىلىنىڭ ساپارى الدىندا جۇڭگو تايۆانعا جاقىن جەردە اسكەري جاتتىعۋ باستاعاننان كەيىن اقش مەملەكەتتىك حاتشىسى مايك پومپەو بەيجىڭنىڭ ارەكەتىنە پىكىر ءبىلدىردى.
اقش-تىڭ ەكونوميكالىق ماسەلەلەر جونىندەگى كەڭەسشىسى كيت كراح تايۆانعا ساپارلاي بارۋى قىتايدىڭ اسكەري قىزمەتىندە ءورشۋ تۋدىردى.
"قىتايدىڭ 18 اۋە كەمەسى تايۆاننىڭ اۋە كەڭىستىگىنە ءوتتى" دەپ مالىمدەدى جەرگىلىكتى بيلىك.
رەاكتيۆتى ۇشاقتار تايۆان بۇعازى ارقىلى ەكى ەلدىڭ شەكاراسىنان ءوتىپ، تايبەيدىڭ اۋە كۇشتەرىن ابىرجىتقان.
وسى جاعدايعا بايلانىستى پومپەو "قىتايلىقتار اسكەري جارىلىستارمەن جاۋاپ بەردى" دەپ مالىمدەدى.
ۆاشينگتون شەنەۋنىگى تايۆاننىڭ بۇرىنعى پرەزيدەنتى لي تەنگ-حۋيدىڭ سەنبىدە وتەتىن ەسكە الۋ راسىمىنە قاتىسۋ ءۇشىن باردى.
ال بەيجىڭ "اقش پەن تايۆان اراسىنداعى كەلىسسوزدەر" دەپ اتالاتىن كەز كەلگەن ارەكەتتەردى ايىپتادى.
تايۆان اۋە كۇشتەرى اسكەري قيمىلداردى باقىلاۋ ءۇشىن اۋە قورعانىس زىمىران كەشەنىن ورنالاستىرعانىن جاريالادى.
تامىز ايىندا اقش دەنساۋلىق ساقتاۋ ءمينيسترى الەكس ازار تايۆانعا ساپارلاي بارعان كەزدە دە بەيجىڭ اسكەري جاتتىعۋلار ارقىلى جاۋاپ بەرگەن.
پىكىر قالدىرۋ