سoronavirus2020.kz سايتى قازاقستاندا وتكەن تاۋلىكتە 63 ادامنان كوروناۆيرۋس، 272 ادامنان پنيەۆمونيا انىقتالعانىن حابارلادى.

قازاقستاندا كوروناۆيرۋس انىقتالعان العاشقى كۇننەن بۇگىنگە دەيىن 107 262 ادام ىندەتكە شالدىققان. ونىڭ ىشىندە 101 877 ناۋقاس اۋرۋدان ايىقسا، 1 671 ادام قايتىس بولعان.

بۇگىندە ەلدە كوروناۆيرۋس ينفەكسياسىنان 3 684 ادام ەم قابىلداپ جاتىر. ولاردىڭ اراسىندا 39 ءسابي بار. ستاسيونارلاردا 2 003 ناۋقاس جاتىر، 1 681 ادام امبۋلاتوريالىق جاعدايدا ەمدەلۋدە.

ناۋقاستاردىڭ اراسىندا 102 ادامنىڭ جاعدايى ناشار، سونىڭ ىشىندە 13 ناۋقاستىڭ جاعدايى اۋىر. 16 ناۋقاس جاساندى تىنىس الۋ اپپاراتىندا جاتىر.

وتكەن تاۋلىكتە كوروناۆيرۋس ينفەكسياسىنىڭ بەلگىلەرى بار پنيەۆمونيانىڭ 272 جاعدايى تىركەلدى، 100 ادام اۋرۋدان جازىلىپ شىقتى.

بيىلعى تامىزدىڭ 1-نەن بەرى پنيەۆمونيامەن اۋىرعاندار سانى 31 086 ادامدى قۇرادى، 343 ادام قايتىس بولدى. ال جازىلىپ شىققانداردىڭ سانى 26669 ادامعا جەتتى.