كەيبىر الەۋمەتتىك جەلى قولدانۋشىلارى قازاق حالقى مەن ءتىلىن قورلاعان قوستاناي وبلىسى رۋدنىي قالاسىنىڭ تۇرعىنى كيريلل الەكساندروۆيچ بوجكو "كەشىرىم سۇراۋمەن قۇتىلىپ كەتپەي، زاڭ جۇزىندە جاۋاپقا تارتىلۋعا ءتيىس" دەپ جازىپ جاتىر.
كيريلل بوجكو Inter ۆاتا youtube ارناسىنا بەرگەن سۇحباتتا ايتقان ۇلتارازدىقتى قوزدىراتىن سوزدەرى ءۇشىن كەشىرىم سۇراپ، وكىنىش بىلدىرگەن. الايدا جەلىدە كەي قولدانۋشىلار ازاماتتى قازاقستان قىلمىستىق كودەكسىنىڭ 174-بابى (الەۋمەتتىك، ۇلتتىق، رۋلىق، ناسىلدىك، تەكتىك-توپتىق نەمەسە ءدىني ارازدىقتى قوزدىرۋ) بويىنشا جاۋاپقا تارتۋدى تالاپ ەتۋدە.
زاڭگەر رۋسلان تۇسىپبەكوۆ "ول ءوزىنىڭ ۇلتشىل ەكەنىن مويىندادى. ەندى ول مىندەتتى تۇردە 174-باپ بويىنشا جاۋاپقا تارتىلۋعا ءتيىس" دەپ سانايدى. ونىڭ ايتۋىنشا، كەشىرىم سۇراۋ قىلمىستىق جاۋاپكەرشىلىكتەن بوساتپايدى.
"بىزگە وعان (كيريلل بوجكوعا) ايىپتى جازا تاعايىنداپ، تۇرمەگە قامايتىن اشىق، ادال سوت كەرەك. ونىڭ مالىمدەمەلەرى 174-باپقا سۇرانىپ تۇر. ولاي بولماعان جاعدايدا، بۇل – حالىق بەتىنە تۇكىرگەنمەن تەڭ. بقعان دەيىن كەشىرىم سۇراعانداردىڭ تالايىن كوردىك. مۇنداي كەشىرىم سۇراعاندارعا ەشكىم سەنبەيدى. سوندىقتان مىندەتتى تۇردە سوت بولۋعا ءتيىس" دەيدى زاڭگەر.
قۇقىقتانۋشى "سوتتا قازاقستان حالىق اسسامبلەياسى مەن قازاقستانداعى دياسپورا وكىلدەرى كەيىپكەردىڭ ايتقاندارىنا باعا بەرۋى كەرەكتىگىن" اتاپ ءوتتى.
مۇقتاربەك ايت ەسىمدى زاڭگەر دە "بوجكو كيريلل الەكساندروۆيچتىڭ ىس-ارەكەتىندە، ياعني ۆيدەو جازبا ارقىلى جاريالاعان سوزىندە قىلمىس قۇرامى بار دەپ سانايمىن" دەپ جازدى.
ونىڭ پىكىرىنشە، بوجكو سوزدەرىندە تاعى ءبىر باپ بويىنشا قىلمىستىق قۇرام بار.
"اتالعان جازبادا ق ر قك 174-بابىندا كوزدەلگەننەن باسقا، ق ر قك-ىنىڭ 131ء-ىنشى بابىندا كورسەتىلگەن قىلمىس قۇرامى دا بار دەپ بولجاۋعا تولىقتاي نەگىز بار، ياعني قورلاۋ ارەكەتى، باسقا ادامداردىڭ ابىرويى مەن قادiر-قاسيەتiن ادەپسiز تۇردە كەمسىتۋ ورىن العان. ق ر قىلمىستىق-پروسەستىك كودەكسىنىڭ 32ء-ىنشى بابىنىڭ تالاپتارى بويىنشا ق ر قك-نىڭ 174ء-ىنشى بابىنىڭ بەلگىلەرى بار ىس-ارەكەت جاريالى ايىپتاۋ iستەرiنە جاتادى. بۇنداي iستەر بويىنشا قىلمىستىق قۋدالاۋ ءجابiرلەنۋشiنiڭ شاعىم بەرگەن-بەرمەگەنىنە قاراماستان جۇزەگە اسىرىلادى. ق ر قىلمىستىق-پروسەستىك كودەكسىنىڭ 34ء-ىنشى بابىنىڭ تالاپتارى بويىنشا، قىلمىستىق قۋدالاۋ ورگانى قىلمىستىق قۇقىق بۇزۋشىلىق بەلگiلەرiن تاپقان جاعدايدا قىلمىستىق قۇقىق بۇزۋشىلىق جاساۋعا كiءنالi ادامداردى اشكەرەلەۋ، ولاردى جازالاۋ ءۇشىن زاڭدا كوزدەلگەن بارلىق شارالاردى قولدانۋعا مiندەتتi" دەپ زاڭدا قالاي ەكەنىن ءتۇسىندىردى زاڭگەر.
بەلگىلى ءانشى قانات ايتبايەۆ اتالعان ازاماتتى سوتتاماسا "مەملەكەتتىڭ كوك تيىندىق بەدەلى قالمايدى، ءدال وسىنى جاۋاپقا تارتپاسا، مەملەكەتتىڭ نە قادىر، قاسيەتى قالادى؟ ق ر قك 174 ستاتياسى بار. قولدانسىن قۇزىرلى ورگاندار. ايتپەسە ەرتەڭ مۇندايلار بەتىمەن كەتۋى مۇمكىن" دەپ پىكىر ءبىلدىردى.
پىكىر قالدىرۋ