"ق ر ۇكىمەتىنىڭ قاۋلىسىمەن ليۋدميلا ۆيتاليەۆنا بيۋرابەكوۆا ق ر دەنساۋلىق ساقتاۋ ۆيسە-مينيسترى لاۋازىمىنان بوساتىلدى" دەلىنگەن رەسمي سايت تاراتقان حابارلامادا.
ليۋدميلا بيۋرابەكوۆا 1973 جىلى قاراعاندى وبلىسىندا دۇنيەگە كەلگەن.
1997 جىلى قاراعاندى مەملەكەتتىك مەديسينا اكادەمياسىن، 2004 جىلى قازاق فارماسيەۆتيكا ينستيتۋتىن، 2014 جىلى حالىقارالىق بيزنەس اكادەمياسىن ءتامامداعان.
ەڭبەك جولىن 2004 جىلى ح. ج. ماقاجانوۆ اتىنداعى قاراعاندى كوپسالالى كلينيكالىق اۋرۋحاناسىندا دارىگەر-كلينيكالىق فارماكولوگ بولىپ باستادى.
ءار جىلدارى قاراعاندى جانە باتىس قازاقستان وبلىستىق دەنساۋلىق ساقتاۋ باسقارمالارىندا، ق ر دەنساۋلىق ساقتاۋ مينيسترلىگىنىڭ قۇرىلىمىندا، رەسپۋبليكالىق بالالاردى وڭالتۋ ورتالىعىندا، ۇلتتىق مەديسينالىق حولدينگتە، مەديسينالىق تەحنولوگيالار جانە اقپاراتتىق جۇيەلەر ورتالىعىندا، ق ر پرەزيدەنتى ءىس باسقارماسىنىڭ مەديسينالىق ورتالىعىندا جۇمىس ىستەدى.
ول دەنساۋلىق ساقتاۋ ۆيسە-مينيسترى لاۋازىمىنا 2020 جىلعى ساۋىردە تاعايىندالعان بولاتىن.
پىكىر قالدىرۋ