وسىنداي سىرتقى فاكتورلار سالدارىنان دوللاردىڭ تەڭگەگە شاققانداعى باعامى قىمباتتاعان.
سونداي-اق تۇرىك ليراسى، برازيليالىق رەال، وڭتۇستىكافريكالىق راند، رەسەيلىك رۋبل دە قۇنسىزدانعان.
قازاقستاننىڭ قور بيرجاسىندا شەتەل ۆاليۋتاسى ساۋداسىنىڭ تاڭعى سەسسياسى اياقتالدى.
اقش دوللارىنىڭ تەڭگەگە شاققانداعى ورتاشا باعامى 428 تەڭگەنى قۇرادى.
ايىرباستاۋ ورىندارىندا دوللار 429-430 تەڭگەدەن ساۋدالانىپ جاتىر.
مۇناي باعاسىنىڭ ايتارلىقتاي وزگەرمەگەنىنە قاراماستان دوللاردىڭ نە سەبەپتى قىمباتتاپ جاتقانىن ۇلتتىق بانكتىڭ ۆاليۋتا وپەراسياسى دەپارتامەنتىنىڭ ديرەكتورى نۇرجان تۇرسىنحانوۆ ءتۇسىندىردى.
ونىڭ سوزىنشە، دوللار كوروناۆيرۋستىڭ ىقتيمالدى ەكىنشى تولقىنى مەن اقش-تاعى پرەزيدەنت سايلاۋى قارساڭىندا نىعايا تۇسكەن.
ساراپشى پاندەمياعا بايلانىستى داعدارىستىڭ سوزىلۋىنان كەي مەملەكەتتەردىڭ ەكونوميكاسىن وڭالتۋ شارالارىنىڭ ۇزارا تۇسكەنى، كوروناۆيرۋستىڭ ەكىنشى تولقىنىنا ەۋروپاداعى الاڭداۋشىلىق پەن شەكتەۋلەر اقش ۆاليۋتاسىن قولداۋعا جاعداي جاسايتىن فاكتورلاردى قالىپتاستىرعانىن اتاپ ءوتتى. دوللار يندەكسىنىڭ ءوسۋى مۇناي باعاسىنىڭ ازداپ تومەندەۋىنە اسەر ەتكەن.
پىكىر قالدىرۋ