قاۋىپسىزدىك كەڭەسىنىڭ ءتوراعاسى نۇرسۇلتان نازاربايەۆ كوروناۆيرۋسپەن قالاي اۋىرعانىن ايتتى، دەپ حابارلادى Tengrinews.kz.

– مەن اۋىرىپ شىقتىم، وندايدى ەشكىمگە تىلەمەيمىن. سوندىقتان ماسكالارىڭىزدى شەشپەڭىزدەر. تىزەمەن نەمەسە شىنتاقپەن امانداسىڭىزدار، وزدەرىڭىزگە اباي بولىڭىزدار. (...)"، – دەدى نۇرسۇلتان نازاربايەۆ جۋرناليستەردىڭ سۇراقتارىنا جاۋاپ بەرە وتىرىپ.

تۇڭعىش پرەزيدەنت قازاقستاندىقتارعا تىلەگەن تىلەكتەرى ءۇشىن العىسىن جەتكىزدى.

– ماعان بۇكىل قازاقستاننان تىلەكتەر ايتىلدى. ارىپتەستەرىمنىڭ، بۇكىل الەم پرەزيدەنتتەرىنىڭ، مينيسترلەردىڭ تىلەكتەرى جازىلعان مىڭداعان جەدەلحات الدىم. تاعى دا بارىنە راحمەت. مەنىڭ ويىمشا، بۇل دا وتەدى. ءقازىر ۆاكسينا  180-گە جۋىق ەلدە ازىرلەنىپ جاتىر. قازاقستاننىڭ ءوز ۆاكسيناسى بار. ءبىز رەسەيمەن كەلىستىك، العاشقى ۇمىتكەرلەردىڭ ءبىرى بولامىز. مىسالى، اقش-تا ءدارى ويلاپ تاپقان كەزدە ونىڭ 10 جىلدان كەيىن رۇقسات ەتىلەتىنى ايتىلدى. سوندىقتان ءبىز بۇل ۆاكسينانى كۇتەمىز. قالاي بولسا، مەنىڭ ويىمشا، بۇل كورسەتكىش تومەندەيدى. اۋىرماڭىزدار، بارلىعىڭىزعا دەنساۋلىق تىلەيمىن، – دەدى ەلباسى.