بەيجىڭ مەن ۆاشينگتون اراسىنداعى قىرعي-قاباق سوعىس ءقازىردىڭ وزىندە باستالىپ، العاشقى كەزەڭى بولىپ جاتىر. بۇل تۋرالى گەرمانيانىڭ Der Spiegel جۋرنالى گەرمانيا ۇكىمەتىندەگى ترانساتلانتيكالىق قاتىناستار جونىندەگى ۇيلەستىرۋشىسى پيتەر بايەردىڭ پىكىرىنە سىلتەمە جاساپ حابارلادى.
نەمىس ديپلوماتىنىڭ پىكىرىنشە، بەيجىڭ مەن ۆاشينگتون اراسىنداعى ساۋدا سوعىسى الداعى ءجۇز جىلدىقتى انىقتايتىن قاقتىعىس بولادى.
گەرمانيا ۇكىمەتىنىڭ وكىلى 3 قاراشادا اقش-تاعى پرەزيدەنتتىك سايلاۋدا كىم جەڭىسكە جەتسە دە، ەۋروپا "اقش-پەن سەرىكتەستىكتە وسى كەزدەن دايىندالۋى كەرەك" دەپ سانايدى.
بايەر دونالد ترامپتىڭ قارسىلاسى دەموكرات دجو بايدەن دە قىتايعا قاتىستى قاتاڭ ساياسات جۇرگىزۋگە نيەت بىلدىرگەنىن اتاپ ءوتتى.
وسىعان بايلانىستى ديپلومات "قيالداعى ەسكىرگەن ترانساتلانتيكالىق قۇندىلىقتارعا" ورالۋعا شاقىرادى. بۇل رەتتە ول ەڭ الدىمەن "بوستاندىق پەن دەموكراتيا، بەيبىتشىلىك پەن جاقسى جاعداي" تۋرالى ويلايتىنىن جەتكىزگەن.
– اقش-پەن قارقىندى جانە جاندى سەرىكتەستىكتى امەريكالىقتار نەمىستەرگە الىپ كەلگەن قۇندىلىق رەتىندە ايتامىز، – دەيدى گەرمانيا ۇكىمەتىندەگى ترانساتلانتيكالىق قاتىناستار جونىندەگى ۇيلەستىرۋشى پيتەر بايەر.
پىكىر قالدىرۋ