اتىراۋ وبلىسىندا ينتەرنەت سيگنالىن ىزدەپ، بيىك جەرگە شىقپاق بولعان ەكى وقۋشى ابايسىزدا قۇلاپ جاراقاتتاندى. بۇل تۋرالى Newtimes.kz حابارلادى.
پورتالدىڭ حابارلاۋىنشا، جانتەرەك جانە تاسقالا اۋىلىنىڭ وقۋشىلارىنا تاپسىرمالاردى مۇعالىمىنە جىبەرۋ ءۇشىن ينتەرنەت سيگنالىن ىزدەپ، بيىككە كوتەرىلۋگە تۋرا كەلگەن.
– جانتەرەك اۋىلىنىڭ ون جاسار وقۋشىسى ينتەرنەت سيگنالىن ىزدەپ، اۋلاداعى تراكتورعا مىنگەن. ابايسىزدا تراكتوردا قۇلاپ، سالدارىنان يىعىن سىندىرىپ الدى. ال ەكىنشى وقيعا تاسقالا اۋىلىندا بولدى. بۇل ءجاسوسپىرىم دە ينتەرنەتتىڭ بايلانىسى ناشار بولعان سوڭ، سيگنال ىزدەيمىن دەپ اۋلادا سالىنىپ جاتقان ءۇيدىڭ بەلتەمىرىنە كوتەرىلىپ، ابايسىزدا بىلەگىن سىندىرعان، – دەدى وبلىستىق بالالار اۋرۋحاناسىنىڭ تراۆماتولوگ دارىگەرى رۋسلان جانبەكەيەۆ.
وقي وتىرىڭىز: "جالعان: "اتىراۋدا وقۋشىلار ءۇي تاپسىرماسىن ورىنداۋ كەزىندە جاراقات العان"
پىكىر قالدىرۋ