قازاقستاننىڭ تۇڭعىش پرەزيدەنتى، قاۋىپسىزدىك كەڭەسىنىڭ ءتوراعاسى نۇرسۇلتان نازاربايەۆ ءىشكى ىستەر ءمينيسترى ەرلان تۇرعىمبايەۆتى قابىلدادى، دەپ حابارلادى elbasy.kz.
كەزدەسۋدە ءىشكى ىستەر ءمينيسترى قاۋىپسىزدىك كەڭەسىنىڭ ءتوراعاسىنا كارانتين كەزەڭىندە ەلدە قۇقىقتىق ءتارتىپتى قامتاماسىز ەتۋ بويىنشا قابىلدانعان شارالار، سونداي-اق جەكە قۇرامدى ەپيدەميادان قورعاۋ جونىندە مالىمەت بەردى.
سونىمەن قاتار ول ىشكى ىستەر ورگاندارىنىڭ حالىقپەن ءوزارا ءىس-قيمىلىن جاقسارتۋ، ولاردىڭ جۇمىسىنىڭ اشىقتىعىن قامتاماسىز ەتۋ بويىنشا جۇرگىزىلىپ جاتقان جۇمىستار تۋرالى دا اتاپ ءوتتى.
– مەملەكەتتىك ورگانداردىڭ قوعام ۇدەسىنەن شىعا بىلگەنى ءجون. جۇرتشىلىقپەن تىكەلەي ديالوگ ورناتىپ، ازاماتتارمەن كەرى بايلانىستى جاقسارتۋ ءۇشىن قازىرگى "پلاتفورمالاردىڭ" جۇمىس فورماتىن قايتا قاراۋ قاجەت. باستى ماقسات – حالىقتىڭ قۇقىق قورعاۋ جۇيەسىنە دەگەن سەنىمىن جانە ونىڭ قىزمەتىنىڭ تيىمدىلىگىن ارتتىرۋ، – دەدى نۇرسۇلتان نازاربايەۆ.
قاۋىپسىزدىك كەڭەسىنىڭ ءتوراعاسى پرەزيدەنتتىڭ جەرگىلىكتى پوليسيا قىزمەتىن ودان ءارى رەفورمالاۋ جانە ەلدەگى قۇقىقتىق ءتارتىپتى قامتاماسىز ەتۋ جونىندەگى تاپسىرمالارىن ساپالى ورىنداۋدىڭ ماڭىزدىلىعىن اتاپ ءوتتى.
پىكىر قالدىرۋ