باتىس قازاقستان وبلىسى بويىنشا ەكونوميكالىق تەرگەۋ دەپارتامەنتىنىڭ ەكى قىزمەتكەرى 5 ملن تەڭگە كولەمىندەگى پارامەن ۇستالدى، دەپ حابارلادى سىبايلاس جەمقورلىققا قارسى قىزمەت.
سىبايلاس جەمقورلىققا قارسى قىزمەت مالىمەتىنشە، ەكونوميكالىق تەرگەۋلەر دەپارتامەنتىنىڭ (ەتد) تەرگەۋ باسقارماسىنىڭ 3-ساناتتاعى اعا تەرگەۋشىسى مەن 4-ساناتتاعى جەدەل ۋاكىلگە قاتىستى تەرگەۋ باستادى.
ولار 2020 جىلى 1 قازاندا ازامات "ت"-نى الداۋ جانە سەنىمىن تەرىس پايدالانۋ ارقىلى باسقا ورگاننىڭ وندىرىسىندەگى قىلمىستىق ءىستى توقتاتۋعا ىقپال ەتۋ سىلتاۋىمەن 5 ملن تەڭگە سوماسىنداعى اقشالاي قاراجاتىن يەمدەنگەن.
بقو بويىنشا ەكونوميكالىق تەرگەۋ دەپارتامەنتىنىڭ قىزمەتكەرلەرى قىلمىستىق ءىس جۇرگىزۋ كودەكسىنىڭ 128-بابىنا سايكەس ۇستالىپ، ورال قالاسى پوليسيا باسقارماسىنىڭ ۋاقىتشا وقشاۋلاۋ يزولياتورىنا قامالدى.
پىكىر قالدىرۋ