"ءۇشىنشى دۇنيەجۇزىلىك سوعىس ءقاۋپى، يادرولىق جويعىش ۇشاق ۆاشينگتون ۇستىنەن ۇشىپ ءوتتى" دەگەن تاقىرىپپەن جاريالانعان اقپاراتتا اقش پرەزيدەنتىنىڭ اۋرۋعا بايلانىستى ەكى اپتا كارانتيندە بولۋ مۇمكىندىگى ايتىلعان. اقش-تاعى 3 قاراشادا بولاتىن سايلاۋعا ءبىر ايعا جەتپەيتىن ۋاقىتتا بولعان بۇل توسىن جاعداي ۆاشينگتون ءۇشىن قيىندىق تۋدىرۋدا.

"پرەزيدەنت 74 جاستا، ۆيرۋستىڭ اسقىنۋ ءقاۋپى جوعارى" دەيدى باسىلىم.

ەگەر ول ەلدى باسقارا المايتىنداي اۋىرىپ قالسا، وعان ۆيسە-پرەزيدەنت مايك پەنس تاعايىندالادى.

ەگەر پەنس تە ارەكەتكە قابىلەتسىز بولسا، ونى پالاتانىڭ سپيكەرى نەنسي پەلوسي قابىلداۋى مۇمكىن.

"پرەزيدەنتتىڭ ۆيرۋس جۇقتىرۋى ەلدى جانە ونىڭ ۇكىمەتىن بەلگىسىزدىككە ۇشىراتىندىقتان، تاڭەرتەڭ ەرتە اقىرزامان ۇشاقتارى امەريكانىڭ ەكى جاعالاۋىندا بايقالعانى تاڭقالارلىق ەمەس" دەپ جازادى باسىلىم.

"E-6B Mercury" بۇل پەنتاگوننىڭ اۋەدەگى يادرولىق كوماندالىق جويعىشتارىنىڭ ءبىرى.

ءتورت موتورلى ۇشاقتار تەڭىز فلوتىنىڭ وگايو كلاسىنداعى يادرولىق بالليستيكالىق-راكەتالىق سۇڭگۋىر قايىقتارىن باسقارۋعا ارنالعان ارنايى بايلانىس جۇيەلەرى مەن ەكيپاجدارىن الىپ جۇرەدى.

اسكەري-تەڭىز فلوتىندا 16 مەركۋريي بار.

يادرولىق سوعىستا "E-6B" ۇشاقتارى وگايو بومبالاۋشىلارىنا باعىت بەرىپ، قايىق ەكيپاجدارىنا يادرولىق ۇشى بار "ترايدەنت" سۋاستى قايىقتارىمەن نەمەسە بالليستيكالىق راكەتالارمەن جاۋ قالالارى مەن اسكەري بازالارىن باعىتتاۋعا كومەكتەسەدى.

امەريكالىق بارلاۋ مامانى تيم حوگاننىڭ ايتۋىنشا، ترامپتىڭ ۆيرۋس جۇقتىرعانى جاريالاناعاندىقتان، "E-6B" ۇشاعىنىڭ ەكى جاعالاۋعا دا ۇشىپ كەلۋى كەزدەيسوق ەمەس.

حوگان Twitter-دە "ەگەر (ترامپ كوروناۆيرۋسقا) وڭ ناتيجە بەرسە، مەن ولاردىڭ (ۇشاقتاردىڭ) پايدا بولۋىن كۇتەر ەدىم" دەپ جازدى.

اسكەري ۇشاقتار ترانسپوندەرلەرىن ءوشىرىپ، ىزدەرىن جاسىرا الادى.

ەگەر اسكەري رەاكتيۆتى ترانسپوندەرلەر قوسۋلى بولسا، بۇل ولاردىڭ ەكيپاجدارى كورىنگىسى كەلەتىندەرىن بىلدىرەدى.

اشىق دەرەككوزدەگى بارلاۋشىلاردىڭ اقپاراتىنشا، رەسەي، جۇڭگو جانە سولتۇستىك كورەيا سياقتى اقش-تىڭ قارسىلاستارى ترامپتىڭ دارمەنسىز جاعدايىن ۆاشينگتونعا سوققى بەرۋ مۇمكىندىگى رەتىندە قاراستىرۋى ىقتيمال.

"الايدا، اق ءۇي پرەزيدەنتتىڭ اۋرۋى بولسا دا، امەريكانىڭ يادرولىق كوماندالىق جۇيەسى ءبۇتىن ەكەنىن ولارعا ەسكەرتىپ وتىر" دەپ جازادى بريتانيالىق گازەت.