تەمىرتاۋدا پوليسيا قىزمەتكەرى كولىگىمەن ەر ادامدى قاعىپ كەتتى، دەپ حابارلادى zakon.kz.
قاراعاندى وبلىسى پوليسيا دەپارتامەنتى باسپا ءسوز قىزمەتىنىڭ مالىمەتىنشە، جول اپاتى 3 قازاندا تەمىرتاۋ قالاسىندا بولعان.
"رەسپۋبليكا داڭعىلى بويىمەن ۆوستوچنايا كوشەسىنە قاراي كەلە جاتقان Lada Vesta قىزمەت اۆتوكولىگىنىڭ پوليسەي جۇرگىزۋشىسى جاياۋ جۇرگىنشىلەر وتكەلىندە 65 جاستاعى ەر ادامدى قاعىپ كەتتى. اۋا رايى تۇماندى بولاتىن. جول اپاتى سالدارىنان زارداپ شەككەن ادام تەمىرتاۋ اۋرۋحاناسىندا كوز جۇمدى" دەلىنگەن حابارلامادا.
وقيعا ورنىنا جەتكەن وبلىستىق پوليسيا دەپارتامەنتى باسشىلىعى، تەمىرتاۋ پروكۋراتۋراسى وكىلدەرىنىڭ قاتىسۋىمەن پوليسيا سەرجانتى ناركولوگيالىق ديسپانسەردە تەكسەرۋدەن ءوتىپ، ساۋ ەكەنى انىقتالدى.
جول اپاتى بويىنشا قىلمىستىق كودەكستىڭ 345-بابى ("كولىك قۇرالدارىن باسقاراتىن ادامداردىڭ جول ءجۇرىسى نەمەسە كولىك قۇرالدارىن پايدالانۋ قاعيدالارىن بۇزۋى") بويىنشا سوتقا دەيىنگى تەرگەۋ باستالدى. قىلمىستىق ءىس وبلىستىق پوليسيا دەپارتامەنتىنىڭ انىقتاۋ باسقارماسىنىڭ ءىس جۇرگىزۋىندە جاتىر.
پوليسيا تەرگەۋدىڭ ناقتىلىعى مەن جان-جاقتىلىعىنا كۇمان جوق ەكەنىن اتاپ ءوتتى. ءىس اتالعان دەپارتامەنتتىڭ باستىعىنىڭ باقىلاۋىندا جۇرگىزىلىپ جاتىر.
"Ratel.kz اقپارات اگەنتتىگىندە جاريالانعان اقپارات دۇرىس ەمەس. جالعان اقپارات تاراتقانى ءۇشىن قىلمىستىق جاۋاپكەرشىلىك قاراستىرىلعانىن ەسكەرتەمىز. مەملەكەتتىك ورگانداردىڭ رەسمي اقپاراتى نەگىزىندە عانا تۇجىرىم جاساۋعا شاقىرامىز" دەلىنگەن دەپارتامەنت حابارلاماسىندا.
پىكىر قالدىرۋ