بۇگىن تۇندە قىرعىزستان استاناسى بىشكەكتەگى الا-توو الاڭىندا پارلامەنت سايلاۋى ناتيجەسىمەن كەلىسپەگەندەر ميتينگى قاقتىعىسقا ۇلاستى. نارازى ازاماتتار "اق ءۇيدى" باسىپ الىپ، تەرگەۋ يزولياتورى مەن كولونياداعى ەكس-پرەزيدەنت المازبەك اتامبايەۆتى جانە بۇرىنعى پرەمەر-مينيستر ساپار يساقوۆتى جانە مينيسترلەر كابينەتىنىڭ ەكس-توراعاسى جانتورو ساتىبالدييەۆتى بوساتتى، دەپ جازادى 24.kg.
اق ءۇيدىڭ كەيبىر كابينەتتەرى مەن ءماجىلىس زالى قيراتىلعان. كومپيۋتەرللەر جوعالىپ، ەسىك اينەكتەرى شاعىلعان. اق ۇيدەگى ءورتتى سوندىرگەننەن كەيىن كوپتەگەن قاباتتا توبەدەن سۋ تامشىلاپ تۇر.
ءقازىر قالادا جاعداي تۇراقتى. كوشەلەر تاستان، شىنى شولمەكتەردەن تازارلىپ جاتىر.
نارازىلىق اكسياسى بولعان الا-توو الاڭىنا بۇگىن سايلاۋ ناتيجەسىمەن كەلىسپەگەن شەرۋشىلەر قايتا جينالا باستادى.
قالانىڭ باسقا بولىگى "فورۋم" عيماراتىنىڭ الدىنا المازبەك اتامبايەۆتىڭ جاقتاستارى جينالىپ جاتىر. ولار "اپرەل" ارناسى ارقىلى تىكەلەي ەفيرگە شىقپاق.
وسى ۋاقىتتا قالانىڭ وزگە ايماعىندا پرەزيدەنت سوورونباي جەەنبەكوۆ جاقتاستارى پرەزيدەنتتى قولداپ ميتينگكە شىقتى.
بىشكەكتەگى ءبىرىنشى تەرگەۋ يزولياتورى ماڭىنا اتامبايەۆتىڭ جاقتاستارى جينالعان. ولار 2019 جىلعى 7-8 تامىزداعى قوي-تاش وقيعاسى بويىنشا سوتتالعانداردىڭ ءبارىن بوساتۋعا نيەتتى.
مينتينگشىلەر قالالىق اكىمدىكتىڭ عيماراتىن باسىپ الىپ، قالانىڭ جاڭا مەرى رەتىندە جووشبەك كاونالييەۆتى جاريالادى.
سوورونباي جەەنبەكوۆ پارتيا وكىلدەرىمەن كەزدەسۋدى جوسپارلاپ وتىر.
تۇنگى قاقتىعىس سالدارىنان 590 ادام اۋرۋحاناعا ءتۇستى. 30 ادامنىڭ جاعدايى اۋىر. ميتينگشىلەردىڭ ءبىرى قايتىس بولدى.
پىكىر قالدىرۋ