تانىمال ازىلكەش تۇرسىنبەك قاباتوۆتىڭ كولىگىمەن ادام قاعىپ كەتكەن جۇرگىزۋشىسى ءالى جازاسىن المادى، دەپ حابارلادى كوكشەتاۋ ازيا اقپارات اگەنتتىگى.
"2019 جىلدىڭ 13 قازان كۇنى ساعات 21:00 شاماسىندا تەمىرتاۋ-نۇر-استانا تاس جولىندا 34 جاستاعى ەرلان ومارقۇلوۆتى كولىك قاعىپ كەتتى. ازامات وقيعا ورنىندا كوز جۇمعان. ءبىراز ۋاقىتتان كەيىن قازا تاپقان ەر ادامنىڭ تۋىستارى بۇل كولىكتىڭ شوۋ-بيزنەس جۇلدىزى، ازىلكەش تۇرسىنبەك قاباتوۆقا تيەسىلى ەكەنىن ءبىلدى" دەلىنگەن سايتتاعى ماقالادا.
ماقالا اۆتورىنىڭ ايتۋىنشا، جول اپاتىنان كەيىن قاباتوۆتىڭ كولىگىن ايداعان 25 جاستاعى جۇرگىزۋشىسىگە قاتىستى قىلمىستىق ءىس جابىلىپ، ايىپكەر جازاسىن الماعان. سونداي-اق ول وقيعاعا دەيىن جۇرگىزۋشى كۋالىگىنسىز جۇرگەن.
"جالعىز ۇلىنان ايىرىلعان مارقۇمنىڭ اناسى داجان ومارقۇلوۆا حالىقتىڭ سۇيىكتى ءارتىسى نە سەبەپتى ءالى كۇنگە دەيىن جازاعا تارتىلماعانىن تۇسىنبەيدى. ونىڭ ايتۋىنشا، تۇرسىنبەك قاباتوۆ ءوز كولىگىن سەنىپ تاپسىرعان ادامنىڭ جۇرگىزۋشى كۋالىگىنەن ايىرىلعانىن بىلگەن. سوندىقتان كولىكتىڭ يەسى رەتىندە قاباتوۆ تا جاۋاپكەرشىلىكتى ءوز موينىنا الۋ كەرەك.
جۇرگىزۋشى مارقۇمنىڭ ادام جۇرمەۋگە ءتيىس جولمەن جۇرگەنىن ايتادى. الايدا اناسى بۇل اقپاراتتىڭ وتىرىك ەكەنىنە سەنىمدى" دەلىنگەن ماقالادا.
سونداي-اق مارقۇمنىڭ اناسى نەمەرەسىنىڭ اكەسىز قالعانىنا ءالى دە جۇرەگى قانجىلايتىنىن، كىنالىلەردىڭ نەلىكتەن جازاسىز جۇرگەنىن تۇسىنبەيتىنىن جەتكىزدى.
پىكىر قالدىرۋ