مەملەكەت باسشىسى قاسىم-جومارت توقايەۆتىڭ باقىلاۋىمەن الماتى وبلىسىندا قازاقستان قارۋلى كۇشتەرى تاريحىنداعى العاشقى كەشەندى بىتىمگەرشىلىك وقۋ-جاتتىعۋلارى اياقتالدى، دەپ حابارلادى اقوردا سايتى.
سايت مالىمەتىنشە، وقۋ-جاتتىعۋ اياقتالعاننان كەيىن جوعارعى باس قولباسشى اسكەري قىزمەتكەرلەردىڭ الدىندا ءسوز سويلەگەن. ول قازىرگى زامانعى قازاقستاندىق ارميا ەرجۇرەك بابالارىمىزدان مۇراعا قالعانىن، ونى ۇمىتپاۋ كەرەگىن ايتتى.
پرەزيدەنتتىڭ ايتۋىنشا، الەمدە بەيبىتشىلىكتى قامتاماسىز ەتۋ ءۇشىن قازاقستان بىتىمگەرشىلىك مياسسيالارىن قاقتىعىس، جانجال ايماقتارىنا ۇنەمى جىبەرىپ وتىرادى.
– ىنتىماقتاستىق پەن سەرىكتەستىك – ءبىزدىڭ باستى باسىمدىعىمىز. سىزدەر حالىقارالىق قاۋىپسىزدىكتى نىعايتۋعا ۇلكەن ۇلەس قوستىڭىزدار. بىتىمگەر بولۋ –بەيبىتشىلىك ەلشىسى بولۋ. سىزدەر بۇل تاپسىرمانى ادال ورىندادىڭىزدار. وسىنداي جاتتىعۋلاردىڭ ارقاسىندا اسكەري شەبەرلىكتى ارتتىراسىزدار. ءبىزدىڭ ارميامىزدىڭ جاۋىنگەرلىك رۋحى مەن داڭقى تارتا تۇسەتىنىنە سەنىمدىمىن، – دەدى توقايەۆ
ول ەلباسى قۇرعان قارۋلى كۇشتەردىڭ بىتىمگەرشىلىك قىزمەتى ءىس جۇزىندە ەلىمىزدىڭ بەيبىتشىلىك، حالىقارالىق قاۋىپسىزدىك جانە تۇراقتىلىق قاعيداتتارىنا بەرىكتىگىن كورسەتەتىنىن اتاپ ايتتى.
پىكىر قالدىرۋ