كوكشەتاۋداعى "قازەكسپورتاستىق" اق حولدينگىنىڭ ىشكى قاۋىپسىزدىك قىزمەتكەرلەرى كومپانيا جالاقىلارىن بەرمەي وتىرعانىن ايتىپ شاعىندى. بۇل تۋرالى kokshetau.asia حابارلادى.  ⠀

شاعىمدانۋشىلاردىڭ ايتۋىنشا، كومپانيا ولارعا ون ميلليون تەڭگەگە جۋىق قارىز. قىزمەتكەرلەر بىرنەشە ايدان بەرى زەينەتاقى جارنالارى توقتاپ قالعاندىعىن ايتادى.

– بۇل كومپانيادا 2014 جىلدان بەرى جۇمىس ىستەيمىن. وسى جىلدىڭ قاڭتارىندا ءبىزدى اقىسىز ەڭبەك دەمالىسىنا جىبەردى، سودان كەيىن كارانتين باستالدى. بىرنەشە ايدان كەيىن مەن قىزمەتىمنىڭ قىسقارتىلعانى تۋرالى حابارلاما الدىم. كومپانيانىڭ ماعان قارىزى  –  2،7 ميلليون تەڭگە. 2019 جىلدان باستاپ زەينەتاقى جارنالارى جوق، ءبىز نەسيە الا المايمىز. بۇلاي جالعاسا بەرەتىن بولسا، ءبىز اقورداعا جەتەمىز، پارلامەنتكە جۇگىنەمىز جانە پرەزيدەنت ءبىزدى تىڭدايدى دەپ سەنەمىز. ويناپ جاتقان جوقپىز، مەنىڭ ءۇش بالام بار، وتباسىمدى اسىراۋىم كەرەك، – دەيدى كومپانيا قىزمەتكەرلەرىنىڭ ءبىرى.

قىزمەتكەرلەر ءارتۇرلى ورگاندارعا ۇندەۋ جولداعانىن، ءبىراق ازىرگە ناتيجە جوق ەكەنىن كۇيىنىشپەن ايتتى. 

جۋرناليستەر جاعدايدىڭ ءمان-جايىن ءبىلۋ ءۇشىن كومپانيانىڭ قابىلداۋ بولىمىنە حابارلاسقان. تۇتقانى كوتەرگەن حاتشى قىز قىزمەتكەرلەردىڭ جالاقىسىنىڭ كەشىكتىرىلۋى تۋرالى اقپاراتتى راستاعان. الايدا كارانتينگە بايلانىستى باسشىلىقتان ەشكىم جوق ەكەنىن ايتقان. ⠀ ⠀