قىرعىزستان پرەزيدەنتى سوورونباي جەەنبەكوۆ بىشكەككە قارۋلى قاقتىعىستاردىڭ جولىن كەسۋ ءۇشىن اسكەري قۇرىلىمدار مەن تەحنيكانى كىرگىزۋدى تاپسىردى.
پرەزيدەنت 9 قازان مەن 21 قازان ارالىعىندا قىرعىزستاننىڭ استاناسى بىشكەك قالاسىندا توتەنشە جاعداي جاريالا جايلى جارلىققا قول قويدى.
"قىرعىزستان قك باس شتابى بىشكەك اۋماعىنا بلوكپوستتاردى ۇيىمداستىرۋ، قارۋلى قاقتىعىستاردىڭ جولىن كەسۋ، قۇقىق پەن بەيبىت تۇرعىنداردى قورعاۋدى قامتاماسىز ەتۋ ءۇشىن اسكەري قۇرالىمدار مەن اسكەري تەحنيكا ەنگىزسىن" دەلىنگەن جارلىق تارماقتارىنىڭ بىرىندە.
ءقازىر بىشكەكتە بىرنەشە ميتينگ ءوتىپ جاتىر. ەسكى الاڭعا سادىر جاپاروۆتىڭ جاقتاستارى جينالدى، ونىڭ كانديداتۋراسىن جاقىندا جك-نىڭ ءبىر توپ دەپۋتاتتارى پرەمەر-مينيستر لاۋازىمىنا ۇسىندى. الا-توو الاڭىنا ۇكىمەت باسشىسى ومۋربەك بابانوۆتى ۇسىنعان بىرنەشە پارتيانىڭ وكىلدەرى كەلدى. سول جەردە قىرعىزستاننىڭ بۇرىنعى پرەزيدەنتى المازبەك اتامبايەۆ پەن ونىڭ جاقتاستارى بار.
پىكىر قالدىرۋ