قىرعىزستاننىڭ ەكس-پرەزيدەنتى المازبەك اتامبايەۆتىڭ جاقتاۋشىسى اشتىق جاريالادى. بۇل تۋرالى 24.kg سايتى حابارلادى.

ەكس-پرەزيدەنت جاقتاۋشىسى تەميرلان سۋلتانبەكوۆتىڭ بۇل ارەكەتىن اگەنتتىككە ادۆوكات چىنارا دجاكۋپبەكوۆا مالىمدەگەن. ونىڭ ايتۋىنشا، تەميرلان ءقازىر بىشكەكتەگى ىشكى ىستەر باسقارماسىنىڭ ۋاقىتشا ۇستاۋ يزولياتورىندا.

– مەنىڭ قورعاۋشىمنىڭ ايتۋىنشا، ولار ونى ازاپتايمىز دەپ قورقىتقان. تەرگەۋشىلەر ونىڭ ناقتى نە ءۇشىن ۇستالعانىن تۇسىندىرە المادى، – دەدى چ.دجاكۋپبەكوۆا.

ەسكە سالايىق، بىشكەكتە پارلامەنتتىك سايلاۋىنىڭ ناتيجەسىنە كەلىسپەگەندەردىڭ ميتينگى تارتىپسىزدىككە ۇلاسقان. 5-6 قازانعا قاراعان ءتۇنى نارازى تور "اق ءۇيدى" باسىپ الىپ، ورتەپ جىبەردى. سول ءتۇنى ەكس-پرەزيدەنت المازبەك اتامبايەۆ، قوي-تاش اۋىلىنداعى وقيعالار بويىنشا تەرگەۋگە الىنعاندار، بۇرىنعى پرەمەر-مينيستر ساپار يساكوۆ جانە پارلامەنتتىڭ ەكس-دەپۋتاتى راۆشان دجەەنبەكوۆ تۇرمەدەن بوساتىلدى.

كەشە اتامبايەۆ ۇستالىپ، كامەراعا قامالدى. وعان تارتىپسىزدىك ۇيىمداستىردى دەگەن ايىپ تاعىلىپ وتىر. فاريد نيازوۆ پەن تەمىرلان سۇلتانبەكوۆ  ۋاقىتشا تەرگەۋ يزولياتورىنا ورنالاستىرىلدى. بۇرىنعى پرەزيدەنتتىڭ ۇلدارى دا تەرگەۋگە الىنىپ، ءۇي قاماققا جابىلدى.